________________
२७२ ]
[जम्बूद्वीपप्रज्ञप्तिसूत्र
कहि णं भंते ! पण्डगवणे पण्डुसिला णामं सिला पण्णत्ता ?
गोयमा ! मन्दर-चूलिआए पुरथिमेणं पंडगवणपुरथिमपेरंते, एत्थणं पंडगवणे पण्डुसिला णामं सिला पण्णत्ता। उत्तरदाहिणायया, पाईणपडीणवित्थिण्ण, अद्धचंदसंठाणसंठिआ, पञ्च जोअणसयाई आयामेणं, अद्धाइज्जाइं जोअणसयाई विक्खम्भेणं, चत्तारि जोअणाइ बाहल्लेणं, सव्वकणगामई, अच्छा, वेइआवणसंडेणं सव्वओ समन्ता संपरिक्खित्ता वण्णओ।।
तीसे णं पण्डुसिलाए चउद्दिसिं चत्तारि तिसोवाण-पडिरूवगा पण्णत्ता जाव तोरणा वण्णओ। तीसे णं पण्डुसिलाए उप्पिं बहुसमरमणिज्जे भूमिभागे पण्णत्ते, (तत्थ तत्थ देसे तहिं तहिं बहवे ) देवा आसयन्ति। तस्स णं बहुसमरमणिज्जे भूमिभागस्स बहुमझदेसभाए उत्तरदाहिणेणं एत्थ णं दुवे सीहासणा पण्णत्ता, पञ्च धणुसयाई आयामविक्खम्भेणं, अद्धाइज्जाइं धणुसयाइं बाहल्लेणं, सीहासणवण्णओ भाणिअव्वो विजयदूसवज्जोत्ति।
तत्थ णं जे से उत्तरिल्ले सीहासणे, तत्थ णं बहूहिं भवणवइवाणमन्तरजोइसिअवेमाणिएहिं देवेहिं देवीहिं अ कच्छाइआ तित्थयरा अभिसिच्चन्ति।
तत्थ णंजे से दाहिणिल्ले सीहासणे तत्थ णं बहूहिं भवण-(वइवाणमन्तरजोइसिअ) वेमाणिएहिं देवेहिं देवीहि अ वच्छाइआ तित्थयरा अभिसिच्चन्ति।
कहि णं भंते ! पण्डगे पण्डुकंबलासिला णामं सिला पण्णत्ता ?
गोयमा ! मन्दरचूलिआए दक्खिणेणं, पण्डगवणदाहिणपरंते, एत्थ णं पंडगवणे पंडुकंबलासिला णामं सिला पण्णत्ता। पाईणपडीणायया, उत्तरदाहिण-वित्थिण्णा.एवं तं चेव पमाणं वत्तव्वया य भाणिअव्वा जाव तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे सीहासणे पण्णत्ते, तं चेव सीहासणप्पमाणं तत्थ णं बहूहिं भवणवइ -(वाणमन्तरजोइसिअवेमाणिअदेवेहि देवीहिं अ) भारहगा तित्थयरा अहिसिच्चन्ति।
कहि णं भंते ! पण्डगवणे रत्तसिला णामं सिला पण्णत्ता ?
गोयमा ! मन्दरचूलिआए पच्चत्थिमेणं, पण्डगवणपच्चत्थिमपेरंते, एत्थ णं पण्डगवण रत्तसिला णामं सिला पण्णत्ता। उत्तरदाहिणायया, पाईणपडीणवित्थिण्णा जाव तं चेव पमाणं सव्वतवणिज्जमई अच्छा। उत्तरदाहिणेणं एत्थ णं दुवे सीहासणा पण्णत्ता। तत्थ णं जे से दाहिणिल्ले सीहासणे तत्थ णं बहूहिं भवण० पम्हाइआ तित्थयरा अहिसिच्चन्ति । तत्थ णंजे से उत्तरिल्ले सीहासणे तत्थ णं बहूहिं भवण जाव वप्पाइआतित्थयरा अहिसिच्चंति।
कहि णं भंते ! पण्डगवणे रत्तकंबलसिला णामं सिला पण्णत्ता ? गोयमा ! मन्दरचूलिआए उत्तरेणं, पंडगवणउत्तरचरिमंते एत्थणं पंडगवणे रत्तकंबलसिला
१. देखें सूत्र यहीं
