________________
चतुर्थ वक्षस्कार]
[२१३
सीओआ णं महाणई जहिं पवडइ एत्थ णं महं एगे सीओअप्पवायकुण्डे णामं कुण्डे पण्णत्ते। चत्तारिअसीए जोअणसए आयामविक्खंभेणं, पण्णरसअट्ठारेजोअणसए किंचि विसेसूणे परिक्खेवेणं, अच्छे एवं कुंडवत्तव्वया णेअव्वा जाव तोरणा।
तस्स णं सीओअप्पवायकुण्डस्स बहमज्झदेसभाए एत्थ णं महं एगे सीओअदीवे णाम दीवे पण्णत्ते। चउसद्धिं जोअणाई आयामविक्खंभेणं, दोण्णि विउत्तरे जोअणसए परिक्खेवेणं, दो कोसे ऊसिए जलंताओ, सव्ववइरामए, अच्छे।सेसं तमेव वेइयावणसंडभूमिभागभवणसयणिज्जअट्ठो भाणिअव्वो।
तस्स णं सीओअप्पवायकुण्डस्स उत्तरिल्लेणं तोरणेणं सीओआ महाणई पवूढा समाणी देवकुरुं एज्जेमाणा २ चित्तविचित्तकूडे, पव्वए, निसढदेवकुरुसूरसुलसविज्जुप्पभदहे अदुहा विभयमाणी २ चउरासीए सलिलासहस्सेहिं आपूरेमाणी २ भद्दसालवणं एज्जेमाणी २ मंदरं दोहिं जोअणेहिं असंपत्ता पच्चत्थिमाभिमुही आवत्ता समाणी अहे विज्जुपभं वक्खारपव्वयं वारइत्ता मन्दरस्स पव्वयस्स पच्चत्थिमेणं अवरविदेहं वासं दुहा विभयमाणी २ एगमेगाओ चक्कवट्टिविजयाओ अट्ठावीसाए २ सलिलासहस्सेहिं आपूरेमाणी २ पञ्चहिं सलिलासयसहस्सेहिं दुतीसाए अ सलिलासहस्सेहिं समग्गा अहे जयंतस्स दारस्स जगई दालइत्ता पच्चत्थिमेणं लवणसमुदं समप्पेति।
__सीसोआ णं महाणई पवहे पण्णासं जोअणाई विक्खंभेणं, जोअणं उव्वेहेणं । तयणंतरं चणंमायाए २ परिवद्धमाणी २ मुहमूले पञ्च जोअणसयाइं विक्खंभेणं,दस जोअणाई उव्वेहेणं। उभओ पासिं दोहिं पउमवरवेइआहिं दोहिं अवणसंडेहिं संपरिक्खित्ता।
णिसढे णं भन्ते ! वासहरपव्वए णं कति कूडा पण्णत्ता ?
गोयमा ! णव कूडा पण्णत्ता, तं जहा-१. सिद्धाययणकूडे, २. णिसढकूडे, ३. हरिवासकूडे, ४. पुव्वविदेहकूडे,५. हरिकूडे, ६.धिईकूडे,७. सीओआकूडे, ८.अवरविदेहकूडे, ९. रुअगकूडे। जो चेव चुल्ल हिमवंतकूडाणं उच्चत्त-विक्खम्भ-परिक्खेवो पुव्ववण्णिओ रायहाणी असा चेव इहंणि णेअव्वा।
से केणटेणं भंते ! एवं वुच्चइ णिसहे वासहरपव्वए णिसहे वासहरपव्वए ?
गोयमा !णिसहे णं वासहरपव्वए बहवे कूडा णिसंहसंठाणसंठिआ उसभसंठाणसंठिआ, णिसहे अइत्थ देवे महिड्डीए जाव' पलिओवमट्टिईए परिवइए, से तेणटेणं गोयमा ! एवं वुच्चइ णिसहे वासहरपव्वए णिसहे वासहरपव्वए।
[१०१] उस तिगिंछद्रह के दक्षिणी तोरण से हरि (हरिसलिला) नामक महानदी निकलती है। वह दक्षिण में उस पर्वत पर ७४२११/. योजन बहती है। घड़े के मुँह से निकलते पानी की ज्यों जोर से शब्द
१. देखें सूत्र संख्या १४
