Page Text
________________
१७४]
[जम्बूद्वीपप्रज्ञप्तिसूत्र
अभिसिंचित्ता पत्तेअं२ जाव ' अंजलिं कट्ट ताहिं इटाहिं जहा पविसंतस्स भणिआ ( भदं ते, अजिअंजिणाहि जिअंपालयाहि, जिअमझें वसाहि, इंदो विव देवाणं चंदो विव ताराणं चमरो विव असुराणं धरणो विव नागाणंबहूइं पुव्वसयसहस्साइं बहूईओ पुव्वकोडीओ बहूईओ पुव्वकोडाकोडीओ विणीआए रायहाणीए चुल्लहिमवंतगिरिसागरमेरागस्स य केवलकप्पस्स भरहस्स वासस्स गामागरणगरखेडकब्बडमडंबदोणमुहपट्टणासमसण्णिवेसेसु सम्मं पयापालणोवज्जिअलद्धजसे महया जाव आहेवच्चं पोरेवच्चं) विहराहित्ति कटु जयजयसइं पउंजंति।
तए णं तं भरहं रायाणं सेणावइरयणे (गाहावइरयणे वद्धइरयणे) पुरोहियरयणे तिण्णि असट्टा सूअसया अट्ठारस सेणिप्पसेणीओ अण्णे अबहवे जाव' सत्थवाहप्पभिइओ एवं चेव अभिसिंचंति वरकमलपइट्ठाणेहिं तहेव(ओरालाहिं इट्ठाहिं कंताहिं पिआहिं मणुन्नाहिं मणामाहिं सिवाहिं धण्णाहिं मंगल्लाहिं सस्सिरीआहिं हिअयगमणिज्जाहिं हिअयपल्हायणिज्जाहिं वग्गूहि अणुवरयं अभिणंदंति य) अभिथुणंति अ सोलस देवसहस्सा एवं चेव णवरं पम्हलसुकुमालाए गंधकासाइआए गायाइं लूहेंति सरसगोसीसचन्दणेणं गायाइं अणुलिंपंति २त्ता नासाणीसासवाय-वोझं चक्खुहरं वण्णफरिसजुत्तं हयलालापेलवाइरेगं धवलं कणगकइअंतकम्मं आगासफलिह-सरिसप्पभं अहयं दिव्वं देवदूसजुअलं णिअंसावेंति २त्ता हारं पिणखेति २त्ता अद्धहारं एगावलिं मुत्तावलिं रयणावलिं पालंब-अंगयाइं तुडिआई कडयाई दसमुद्दिआणंतगं कडिसुत्तगं वेअच्छगसुत्तगं मुरविं कंठमुरविं कुंडलाइं चूडामणिं चित्तरयणुक्कडंति) मउडं पिणद्धेति। तयणंतरं गंधेहिं च णं दद्दरमलयसुगंधिएहिं गंधेहिं गायाइं अब्भुक्खंति दिव्वं च सुमणोदामं पिणāति, किं बहुणा ? गंट्ठिमवेढिम ( पुरिमसंघाइमेणं चउव्विहेणं मल्लेणं कप्यरुक्खयंपिव समलंकिय-) विभूसिअं करेंति।
तए णं से भरहे राया महया २ रायाभिसेएणं अभिंसिंचिए समाणे कोडुंबिअपुरिसे सद्दावेइ २त्ता एवं वयासी-खिप्पामेव भो देवाणुप्पिआ ! हत्थिखंधवरगया विणीआए रायहाणीए सिंघाडगतिगचउक्कचच्चर जाव महापहपहेसु महया २ सद्देण उग्घोसेमाणा २ उस्सुक्कं उक्कर उक्किटुंअदिजं अमिजं अब्भडपवेसं अदंडकुदंडिमं(अधरिमं गणिआवरणाडइज्जकलियंअणेगतालायराणुचरियंअणुद्धअमुइंग अमिलाय-मल्लदामं पमुइय-पक्कीलियं) सपुरजणवयंदुवालससंवच्छरिअं पमोअंघोसेह २ ममेअमणाणत्तिअं पच्चप्पिणहत्ति, तए णं ते कोडुंबिअपुरिसा भरहेणं रण्णा एवं वुत्ता समाणा हद्वतुटुचित्तमाणंदिया पीइमाणा हरिसवसविसप्पमाणहियया विणएणं वयणं पडिसुणेति २त्ता खिप्पामेव हत्थिखंधवरगया(विणीयाए रायहाणीए सिंघाडगतिगचउक्कचच्चर जाव महापहपहेसु महया २ सद्देणं) घोसंति २त्ता एअमाणत्तिअंपच्चप्पिणंति।
तए णं से भरहे राया महया २ रायाभिसेएणं अभिसित्ते समाणे सीहसणाओ अब्भुढेइ
१. देखें सूत्र संख्या ४४ २. देखें सूत्र संख्या ४४
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |