________________
१६०]
[जम्बूद्वीपप्रज्ञप्तिसूत्र
करेमाणे चिट्ठइत्ति, तस्स य अपरिमिअरत्तरयणा धुअमक्खयमव्यया सदेवा लोकोपचयंकरा उवगया णव णिहिओ लोगविस्सुअजसा, तं जहा
नेसप्पे १, पंडुअए २, पिंगलए ३, सव्वरयणे ४, महपउमे ५। काले ६, अ महाकाले ७, माणवगे महानिही ८, संखे ९, ॥१॥
णेसप्पंमि णिवेसा, गामागरणगरपट्टणाणं च। दोणमुहमडंबाणं खंधावारावणगिहाणं ॥२॥ गणिअस्स य उप्पत्ती, माणुम्माणस्स जं पमाणं च। धण्णस्स य बीआण, य उप्पत्ती पंडुए भणिआ॥३॥ सव्वा आभरणविही, पुरिसाणं जा य होइ महिलाणं। आसाण य हत्थीण य, पिंगलणिहिमि सा भणिआ ॥४॥ रयणाइं सव्वरयणे, चउदस वि वराइं चक्कवट्टिस्स ।। उप्पज्जंते एगिंदियाइं पंचिदिआइं च ॥५॥ वत्थाण य उत्पत्ती, णिप्फत्ती चेव सव्वभत्तीण । रंगाण य धोव्वाण य , सव्वा एसा महापउमे ॥६॥ काले कालण्णाणं, सव्वपुराणं च तिसु वि वंसेसु। सिप्पसयं कम्माणि अ तिण्णि पयाए हिअकराणि॥७॥ लोहस्स य उप्पत्ती, होइ महाकालि आगराणं च ।। रुप्पस्स सुवण्णस्स य, मणिमुत्तसिलप्पवालाणं॥८॥ जोहाण य उप्पत्ती, आवरणाणं च पहरणाणं च। । । सव्वा य जुद्धणीई, माणवगे दंडणीई अ॥९॥ पट्टविही णाडगविही, कव्वस्स य चउव्विहस्स उप्पत्ती। संखे महाणिहिंमी, तुडिअंगाणं च सव्वेसिं ॥१०॥ चक्कट्ठपइट्टाणा, अट्ठस्सेहा य णव य विक्खंभा। बारसदीहा मंजू-सठिया जण्हवीइ मुहे॥११॥ वेरुलिअमणिकवाडा, कणगमया विविहरयणपडिपुण्णा। ससिसूरचक्कलक्खण अणुसमवयणोववत्ती या॥१२॥ पलिओवमट्टिईआ, णिहिसरिणामा य तत्थ खलु देवा। जेसिं ते आवासा, अक्किज्जा आहिवच्चा य ॥१३॥ एए णवणिहिरयणा, पभूयधणरयणसंचयसमिद्धा ।
जे वसमुपगच्छंति, भरहाविवचक्कवट्टीणं ॥१४॥ तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ, एवं मज्जणघरपवेसो जाव सेणिपसेणिसद्दावणया जाव णिहिरयणाणं अट्ठाहिअं महामहिमं करेइ।
