Page Text
________________
तृतीय वक्षस्कार]
[१०३
तेणेव उवागच्छइ उवागच्छित्ता अंजणगिरिकडगसण्णिभं गयवई णरवई दुरूढे।
तए णं से भरहाहिवेणरिंदे हारोत्थए सुकयरइयवच्छे, कुंडलउज्जोइआणणे, मउडदित्तसिरए, णरसीहे, णरवई, णरिंदे, णरवसहे, मरुअरायवसभकप्पे अब्भहिअरायतेअलच्छीए दिप्पमाणे, पसत्थमंगलसएहिं संथुव्वमाणे,जयसद्दकयालोए,हत्थिखंधवरगए, सकोरंटमल्लदामेणं छत्तेणं धरिज्जमाणेणं, सेअवरचामराहिं उद्धव्वमाणीहिं २ जक्खसहस्ससंपरिवुडे वेसमणे चेव धणवई,अमरवइसण्णिभाइइड्डीए पहिअकित्ती, गंगाए महाणईए दाहिणिल्लेणंकूलेणंगामागरणगरखेडकब्बडमंडबदोणमुह-पट्टणासमसंबाहसहस्समंडिअं,थिमिअमेइणीअंवसुहंअभिजिणमाणे २ अग्गाइं, वराइं रयणाई पडिच्छमाणे २ तं दिव्वं चक्करयणं अणुगच्छमाणे २ जोअणंतरिआहिं वसहीहिं वसमाणे २ जेणेव मागहतित्थे, तेणेव उवागच्छइ २ त्ता मागहतित्थस्स अदूरसामंते दुवालसजोयणायाम, णवजोअणवित्थिण्णं, वरणगरसरिच्छं, विजय-खंधावारनिवेसं करेइ २त्ता वड्डइरयणं सद्दावेइ, सद्दावइत्ता एवंवयासी-खिप्पामेव भो देवाणुप्पिआ! ममंआवासं पोसहसालं च करेहि, करेत्ता ममेअमाणत्तिअं पच्चप्पिणाहि। तए णं से वड्डइरयणे भरहेणं रण्णा एवं वुत्ते समाणे हट्ठतुट्ठचित्तमाणंदिए पीइमणे जाव' अंजलि कटु एवं सामी ! तहत्ति आणाए विणएणं वयणं पडिसुणेइ २त्ता भरहस्स रण्णो आवसहं पोसहसालंच करेइ २त्ता एअमाणत्तिअंखिय्यामेव पच्चप्पिणंति।
__तए णं से भरहे राय आभिसेक्काओ हत्थिरयणाओ पच्चोरुहइ २ त्ता जेणेव पोसहसाला, तेणेव उवागच्छइ २ त्ता पोसहसालं अणुपविसइ २ त्ता पोसहसालं पमज्जइ २ त्ता दब्भसंथारगं संथरइ २ त्ता दब्भसंथारगं दुरूहइ २ त्ता मागहतित्थकुमारस्स देवस्स अट्ठमभत्तं पगिण्हइ २ त्ता पोसहसालाए पोसहिए, बंभयारी, उम्मुक्कमणिसुवण्णे, ववगयमालावण्णगविलेवणे,णिक्खित्तसत्थमुसले, दब्भसंथारोवगए, एगे, अबीए अट्ठमभत्तं पडिजागरमाणे २ विहरइ।
___ तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ २त्ता जेणेव बाहिरिआ उवट्ठाणसाला, तेणेव उवागच्छइ २ त्ता कोडुबिअपुरिसे सद्दावेइ २ त्ता एवं वयासी-खिप्पामेव भो देवणुप्पिआ ! हयगयरहपवरजोहकलिअं चाउरगिणिं सेणं सण्णाहेह, चाउग्घंटं आसरहं पडिकप्पेहत्ति कटु मज्जणघरं अणुपविसइ २ त्ता समुत्त तहेव जाव २ धवलमहामेहणिग्गए इव ससिव्व पियदंसणे णरवई मज्जणघराओ पडिणिक्कमइ २ त्ता हयगयरहपवरवाहण (भडचडगरपहकरसंकुलाए) सेणाए पहिअकित्ती जेणेव बाहिरिआ उवट्ठाणसाला, जेणेव चाउग्घंटे आसरहे, तेणेव उवागच्छइ २ त्ता चाउग्घंटं आसरहं दुरूढे।
[५७] अष्ट दिवसीय महोत्सव के संपन्न हो जाने पर वह दिव्य चक्ररत्न आयुधगृहशाला-शस्त्रागार से निकला। निकलकर आकाश में प्रतिपन्न-अधर स्थित हुआ। वह एक सहस्र यक्षों से संपरिवृत-घिरा
१. देखें सूत्र ४४ २. देखें सूत्र संख्या ४४ ३. चक्रवर्ती के चौदह रत्नों में से प्रत्येक रत्न एक-एक सहस्र देवों द्वारा अधिष्ठित होता है।
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |