________________
७४]
[जम्बूद्वीपप्रज्ञप्तिसूत्र
जाव वेमाणिआदेवा गणहराणं अणगाराणयविणट्ठजम्मजरामरणाणं सरीरगाइं सीआरुहेंति, आरुहेत्ता चिइगाए ठवेंति।
तएणं सक्के देविंदे, देवरायाअग्गिकुमारे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! तित्थगरचिइगाए,(गणहरचिइगाए,)अणगारचिइगाए अगणिकायं विउव्वह, विउव्वित्ता, एअमाणत्तिअं पच्चप्पिणह। तए णं ते अग्गिकुमारा देवा विमणा, णिराणंदा, अंसुपुण्णणयणा तित्थगरचिइगाए जाव अणगारचिइगाए अअगणिकायं विउव्वंति। तए णं से सक्के देविंदे, देवराया वाउकुमारे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! तित्थगरचिइगाए जाव अणगारचिइगाए अ वाउक्कायं विउव्वह, विउव्वित्ता अगणिकायं उज्जालेह, तित्थगरसरीरगं, गणहरसरीरगाई, अणगारसरीरगाई, च झामेह । तए णं ते वाउकुमारा देवा विमणा, णिराणंदा, अंसुपुण्णणयणा तित्थगरचिइगाए जाव विउव्वंति, अगणिकायं उज्जालेंति, तित्थगरसरीरगं (गणहरसरीरगाणि,)अणगारसरीरगाणि अझामेंति। तएणं से सक्के देविंदे, देवराया ते बहवे भवणवइ जाव वेमाणिए देवे एवं वयासी-खिप्पामेव भो देवाणुप्पिया!तित्थगरचिइगाए जाव' अणगारचिइगाए अगुरुतुरुक्कघयमधुं च कुंभग्गसो अभारग्गसो असाहरह। तए णं ते भवणवइ जाव तित्थगर-(चिइगाए, गणहरचिइगाए, अणगारचिइगाए अगुरुतुरुक्कघयमधुं च कुंभग्गसो अ) भारग्गसो अ साहरंति। तए णं ते सक्के देविंदे देवराया मेहकुमारे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिआ ! तित्थगरचिइगंजाव अणगारचिइगंचखीरोदगेणं णिव्वावेह।तए णंते मेहकुमारा देवा तित्थगरचिइगं जाव णिव्वाति।
तए णं सक्के देविंदे, देवराया भगवओ तित्थगरस्स उवरिल्लं दाहिणं सकहं गेण्हइ, ईसाणे देविंदे देवराया उवरिल्लं वामं सकहं गेण्हइ, चमरे असुरिंदे, असुरराया हिट्ठिल्लं दाहिणं सकहं गेण्हइ, बली वइरोअणिंदे, वइरोअणराया हिट्ठिल्लं वामं सकहं गेण्हइ, अवसेसा भवणवइ जाव वेमाणिआ देवा जहारिहं अवसेसाइं अंगमंगाई, केई जिणभत्तीए केई जीअमेअंत्ति कटु केई धम्मोत्तिकटु गेहंति।
१. देखें सूत्र यही २. देखें सूत्र यही ३. देखें सूत्र यही ४. देखें सूत्र यही ५. देखें सूत्र यही ६. देखें सूत्र यही ७. देखें सूत्र यही ८. देखें सूत्र यही
देखें सूत्र १०. देखें सूत्र यही
