________________
४८
]
प. तासे णं परिक्खेवविसेसे कओ ? आहिय त्ति वएज्जा ।
उ. -
ताजेणं जम्बुद्दीवस्स दीवस्स परिक्खेवे, तं परिक्खेवं दोहिं गुणेत्ता दसहिं छेत्ता दसहिं भागेहिं हीरमाणे एस णं परिक्खेवविसेसे, आहिय त्ति वएजा ।
प. तासे णं अंधकारे केवइयं आयामेणं ? आहिय त्ति वएज्जा ।
उ.
—
—
-
[ सूर्यप्रज्ञप्तिसू
ता अट्ठत्तरं जोयणसहस्साइं तिण्णि य तेत्तीसे जोयणसए जोयणतिभागं च आयामेणं,
आहियति वजा ।
तया णं उत्तमकट्टपत्ते उक्कोसेणं अट्ठारसमुहुत्ते दिवसे भवति ।
जहणिया दुवालसमुहुत्ता राई भवइ ।
प. - ता जया णं सूरिए सव्वबाहिरं मंडलं उवसंकमित्ता चारं चरइ तया णं किंसंठिया तावखेत्तसंठिई ? आहिय त्ति वएज्जा ।
उ. -
ता उद्धमुह-कलंबुयापुप्फसंठिया तावक्खेत्तसंठिई आहिय त्ति वएज्जा, एवं जं अब्भिंतरमंडले अंधकार संठिईए पमाणं तं बाहिरमंडले तावक्खेत्तसंठिईए, जं तहिं तावक्खेत्तसंठिईए तं बाहिरमंडले अंधकारसंठिईए भाणियव्वं, जाव
तया णं उत्तमकट्टपत्ता उक्कोसेणं अट्ठारसमुहुत्ता राई भवति, जहण्णिए दुवालसमुहुत्ते दिवसे
भवइ ।
सूरियाणं तावखेत्तपमाण-परूवणं
प. -
ताजंबुद्दीवे दीवे सूरिया केवइयं खेत्तं उड्नुं तवंति, केवइयं खेत्तं अहे तवंति, के वइयं खेत्तं तिरियं तवंति ?
उ. -
ता जंबुद्दीवे णं दीवे सूरिया एगं जोयणसयं उड्नुं तवंति ।
अट्ठारस जोयणसयाइं अहे पतवन्ति । सीयालीसं जोयणसहस्साइं दुन्नि य तेवट्ठे जोयणसए एक्कवीसं च सद्विभागे जोयणस्स तिरियं तवंति ।
