________________
प्रथम प्राभृत - चतुर्थ प्राभृतप्राभृत ]
भवइ,
[ १७
ता जया णं एते दुवे सूरिया सव्वबाहिरं मंडलं उवसंकमित्ता चारं चरंति,
ताणं एगं जोयणसयसहस्सं छच्च सट्ठे जोयणसए अण्णमण्णस्स अंतरं कट्टु चारं चरंति, तया णं उत्तमकट्ठपत्ता उक्कोसिया अट्ठारसमुहुत्ता राई भवइ जहण्णए दुवालसमुहुत्ते दिवसे
एस णं पढमे छम्मासे, एस णं पढमस्स छम्मासस्स पज्जवसाणे,
२. ते पविसमाणा सूरिया दोच्चंछम्मासं अयमाणां पढमंसि अहोरत्तंसि बाहिराणंतरं मंडलं उवसंकमित्ता चारं चरंति,
ता जया णं एते दुवे सूरिया बाहिराणंतरंमंडलं उवसंकमित्ता चारं चरंति,
तया णं एगं जोयणसयसहस्सं छच्च चउप्पण्णे जोयणसए छत्तीसं च एगद्विभागे जोयणस्स, अण्णमण्णस्स अंतरं कट्टू चारं चरंति,
तया णं अट्ठारसमुहुत्ता राई भवइ, दोहिं एगट्टिभागमुहुत्तेहिं ऊणा,
दुवालसमुहुत्ते दिवसे भवइ, दोहिं एगट्टिभागमुहुत्तेहिं अहिए,
३. ते पविसमाणा सूरिया दोच्चंसि अहोरत्तंसि बाहिरं तच्चं मंडलं उवसंकमित्ता चारं चरंति, ता जया णं एते दुवे सूरिया बाहिरं तच्छं मंडलं उवसंकमित्ता चारं चरंति,
ताणं एगं जोयणसयसहस्सं छच्च अडयाले जोयणसए बावण्णं च एगट्टिभागे जोयणस्स, अण्णमण्णस्स अंतरं कट्टू चारं चरंति,
भवइ,
तया णं अट्ठारसमुहुत्ता राई भवइ, चउहिं एगट्टिभागमुहुत्तेहिं ऊणा,
दुवालसमुहुत्ते दिवसे भवइ, चउहिं एगट्टिभागमुहुत्तेहिं अहिए,
एवं खलु एएणं उवाएणं पविसमाणा एते दुवे सूरिया तयाणंतराओ मंडलाओ तयाणंतरं मंडलं संकममाणा संकममाणा पंच पंच जोयणाई पणतीसे च एगट्टिभागे जोयणस्स एगमेगे मंडले अण्णमण्णस्स अंतरं निवड्ढेमाणा निवड्ढेमाणा सव्वब्धंतरं मंडलं उवसंकमित्ता चारं चरंति,
ता जया णं दुवे सूरिया सव्वब्धंतरं मंडल उवसंकमित्ता चारं चरंति,
तया णं णवणउइं जोयणसहस्साइं छच्च चत्ताले जोयणसए अण्णमण्णस्स अंतरं कट्टू चारं
चरंति,
तया णं उत्तमकट्ठपत्ते, उक्कोसए अट्ठारसमुहुत्ते दिवसे भवइ, जहण्णिया दुवालसमुहुत्ता राई
एस णं दोच्चे छम्मासे एस णं दोच्चस्स छम्मासस्स पज्जवसाणे,
एस णं आइच्चे संवच्छरे, एस णं आइच्चस्स संवच्छरस्स पज्जवसाणे ।
