________________
प्रथम प्राभृत
[चतुर्थ प्राभृतप्राभृत] सूरियाणं अण्णमण्णस्स अंतर-चारं
१५. ता केवइयं एए दुवे सूरिया अण्णमण्णस्स अंतरं कटु चारं चरंति, आहितेति वदेज्जा? तत्थ खलु इमाओ छ पडिवत्तीओ पण्णत्ताओ, तं जहा - १. तत्थ एगे एवमाहंसु -
ता एगं जोयणसहस्सं एगं च तेत्तीसं जोयणसयं अण्णमण्णस्स अंतरं कटु सूरिया चारं चरंति, आहितेति वदेजा, एगे एवमाहंसु।
२. एगे पुण एवमाहंसु -
ता एगं जोयणसहस्सं एगं च चोत्तीसं जोयणसयं अण्णमण्णस्स अंतरं कटु सूरिया चारं चरंति, आहितेति वदेजा, एगे एवमाहंसु,
३. एगे पुण एवमाहंसु -
ता एगं जोयणसहस्सं एगं च पणतीसं जोयणसयं अण्णमण्णस्स अंतरं. कटु सूरिया चारं चरंति, आहितेति वदेज्जा, एगे एवमाहंसु,
४-१. एगे पुण एवमाहंसु -
ता एगं दीवं, एगं समुदं अण्णमण्णस्स अंतरं कटु सूरिया चारं चरंति, आहितेति वदेजा, एगे एवमाहंसु,
५-२. एगे पुण एवमाहंसु -
ता दो दीवे, दो समुद्दे अण्णमण्णस्स अंतरं कटु सूरिया चारं चरंति, आहितेति वदेजा, एगे एवमाहंसु,
६-३. एगे पुण एवमाहंसु -
ता तिण्णि दीवे, तिणि समुद्दे, अण्णमण्णस्स अंतरं कटु सूरिया चारं चरंति, आहितेति वदेजा, एगे एवमाहंसु,
