________________
१४
]
[ सूर्यप्रज्ञप्तिसूत्र
तत्थ णं अयं एरवए चेव सूरिए जंबुद्दीवस्स दीवस्स पाईणपडीणाययाए उदीण-दाहिणाययाए जीवाए मंडलं चउवीसएणं सएणं छेत्ता उत्तर-पुरथिमिल्लसि चउब्भागमंडलंसि बाणउइयं सूरियमयाई जाई सूरिए अप्पणा चेव चिण्णाई पडिचरइ, > दाहिण-पुरथिमिल्लंसि चउब्भागमंडलंसि एक्काणउइय सूरियमयाइं जाइं सूरिए अप्पणा चेव चिण्णाई पडिचरइ,
तत्थ णं अयं एरवए सूरिए भारहस्स सूरियस्स जंबुद्दीवस्स दीवस्स पाईण-पडीणाययाए उदीणदाहिणाययाए जीवाए मंडलं चउवीसएणं सएणं छेत्ता दाहिण-पच्चथिमिल्लंसि चउब्भागमंडलंसि बाणउइय सूरियमयाएं जाइं सूरिए परस्स चेव चिण्णाई पडिचरइ,
उत्तर-पुरथिमिल्लंसि चउब्भागमंडलंसि एक्काणउइय सूरियमयाइं जाइं सूरिए परस्स चेव चिण्णाई पडिचरइ,
ता निक्खममाणा खलु एए दुवे सूरिया णो अण्णमण्णस्स चिण्णं पडिचरंति। पविसमाणा खलु एए दुवे सूरिया णो अण्णमण्णस्स चिण्णं पडिचरति सयमेगं चोयालं।
