________________
सूरियाणं संचरण - खेत्तं
प्रथम प्राभृत
[ तृतीय प्राभृतप्राभृत ]
१४. ता किं ते चिण्णं पडिचरति आहितेति वदेज्जा ?
तत्थ खलु इमे दुवे सूरिया पण्णत्ता, तं जहा भारहे चेव सूरिए । एरवए चेव सूरिए ।
ताणं दुवे सूरिया पत्तेयं पत्तेयं
तीसाए तीसाए मुहुत्तेहिं एगमेगं अद्धमंडलं चरड़,
सट्टी सट्ठी मुहुत्तेहिं एगमेगं मंडलं संघातयति ।
ता निक्खममाणे खलु एते दुवे सूरिया णो अण्णमण्णस्स चिण्णं पडिचरंति,
पविसमाणा खलु एते दुवे सूरिया अण्णमण्णस्स चिण्णं पडिचरंति तं सयमेगं चोयालं, प. - तत्थ णं को हेतु, त्ति वदेज्जा ?
उ. - ता अयण्णं जंबुद्दीवे दीवे सव्वदीव-समुद्दाणं सव्वब्धंतराए सव्वखुड्डागे वट्टे जाव जोयणसयसहस्समायाम- विक्खंभेणं, तिण्णि जोयणसयसहस्साई, दोन्नि य सत्तावीसे जोयणसए, तिण्णि कोसे अट्ठावीसं च धणुसयं, तेरस य अंगुलाई, अर्द्धगुलं च किचिं विसेसाहिए परिक्खेवेणं पण्णत्ते ।
-
-
तत्थ णं अयं भारहए चेव सूरिए जंबुद्दीवस्स दीवस्स पाईणपडीणाययाए उदीण- दाहिणाययाए जीवाए मंडलं चउवीसएणं सएणं छेत्ता - दाहिण-पुरत्थिमिल्लंसि चउब्भागमंडलंसि बाणउतिय सूरियमयाइं जाई सूरिए अप्पणा चेव चिण्णाई पडिचरइ,
तत्थ णं अयं भारहे सूरिए एरवयस्स सूरियस्स जंबुद्दीवस्स दीवस्स पाईण-पडीणाययाए उदीणदाहीणाययाए जीवाए मंडलं चउवीसएणं सरणं छेत्ता उत्तर-पुरत्थिमिल्लंसि चउब्भागमंडलंसि बाणउड़य सूरियमयाइं जाई सूरिए परस्स चेव चिण्णाई पडिचरइ,
दाहिण-पच्चत्थिमिल्लंसि चउब्भागमंडलंसि एक्काणउइयं सूरियमयाई जाई सूरिए परस्स चेव चिण्णाई पडिचरइ,
