________________
[ सूर्यप्रज्ञप्तिसूत्र
एवं खलु एएणं उवाएणं णिक्खममाणे सूरिए तयाणंतराओ मंडलाओ तयाणंतरमंडलस्स तंसि तंसि देसंसि तं तं अद्धमंडलसंठितिं संकममाणे संकममाणे दाहिणाए अंतराए भागाए तस्सादिपदेसाए सव्वबाहिरं उत्तरं अद्धमंडलसंठितिं उवसंकमित्ता चारं चरड़ ।
१०
ता जया णं सूरिए सव्वबाहिरं उत्तरं अद्धमंडलसंठितिं उवसंकमित्ता चारं चरड़, तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहण्णए दुवालसमुहुत्ते दिवसे भवइ ।
एस णं पढमे छम्मासे, एस णं पढमस्स छम्मास्स पज्जवसाणे ।
से पविसमाणे सूरिए दोच्चं छम्मासं अयमाणे पढमंसि अहोरत्तंसि उत्तराए अंतराए भागाए तस्सादिपदेसाए बाहिराणंतरं दाहिणं अद्धमंडलसंठितिं उवसंकमित्ता चारं चरड़ ता जया णं सूरिये बाहिराणंतरं दाहिणअद्धमंडलसठितिं उवसंकमिता चारं चरड़, तया णं अट्ठारसमुहुत्ता राई भवइ, दोहिं एगट्टिभागमुहुत्तेहिं ऊणा,
दुवालसमुत्ते दिवसे भवइ, दोहिं एगट्टिभागमुहुत्तेहिं अहिए,
से पविसमाणे सूरिए दोच्चंसि अहोरत्तंसि दाहिणाए अंतराए भागाए तस्सादिपदेसाए बाहिरंतरं तच्चं उत्तरं अद्धमंडलसंठितिं उवसंकमित्ता चारं चरड़,
ता जया णं सूरिए बाहिरं तच्चं उत्तरं अद्धमंडलसंठितिं उवसंकमित्ता चारं चरड़, तया णं अट्ठारसमुहुत्ता राई भवइ, चउहिं एगट्टिभागमुहुत्तेहिं ऊणा, दुवालसमुहुते दिवसे भवइ, चउहिं एगाट्ठिभागमुहुतेहिं अहिए,
एवं खलु एएणं उवाएणं पविसमाणे सूरिए तयाणंतराओ मंडलाओ तयाणंतरंसि तंसि तंसि देसंसि तं तं अद्धमंडलसंठिइं संकममाणे संकममाणे उत्तराए अंतराए भागाए तस्सादिपदेसाए सव्वन्तरं दाहिणं अद्धमंडलसंठि उवसंकमित्ता चारं चरइ ।
ता जया णं सूरिए सव्वब्धंतरं दाहिणं अद्धमंडलसंठितिं उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहण्णिया दुवालसमुहुत्ता राई भवइ ।
एस णं दोच्चे छम्मासे, एस णं दोच्चस्स छम्मासस्स पज्जवसाणे,
एस णं आइच्चे संवच्छरे, एस णं आइच्चस्स संवच्छरस्स पज्जवसाणे । सूरस्स उत्तराअद्धमंडलसंठिई
१३. ता कहं ते उत्तरा अद्धमंडलसंठिई आहितेति वदेज्जा ?
ता अयण्णं जंबुद्दीवे दीवे सव्वदीव-समुद्दाणं सव्वब्धंतराए सव्वखुड् डागे वट्टे जाव जोयणसयसहस्समायाम-विक्खंभेणं, तिण्णि जोयणसयसहस्साइं, दोन्नि य सत्तावीसे जोयणसए, तिण्णि
