________________
प्रथम प्राभृत- द्वितीय प्राभृतप्राभृत ]
[ ११
कोसे अट्ठावीसं च धणुसयं तेरस य अंगुलाई, अर्द्धगुलं च किंचि विसेसाहिए परिक्खेवेणं पण्णत्ते, ता जया णं सूरिए सव्वब्धंतरं उत्तरं अद्धमंडलसंठिइं उवसंकमित्ता चारं चरड़ तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहण्णिया दुवालसमुहुत्ता राई भवइ,
से निक्खममाणे सूरिए णवं संवच्छरं अयमाणे पढमंसि अहोरत्तंसि उत्तराए अंतराए भागाए तस्साइपएसाए अब्भंतराणंतरं दाहिणं अद्धमंडलसंठिइं उवसंकमित्ता चारं चरई ।
ता जया णं सूरिए अब्धंतराणंतरं दाहिणं अद्धमंडलसंठि उवसंकमित्ता चारं चरड़, तया णं अट्ठारसमुहुत्ते दिवसे भवइ, दोहिं एगट्टिभागमुहुत्तेहिं ऊणे,
दुवालसमुहुत्ता राई भवइ, दोहिं एगट्टिभागमुहुत्तेहिं अहिया ।
सेणिक्खममाणे सूरिए दोच्चंसि अहोरत्तंसि दाहिणाए अंतराए भागाए तस्साइपएसाए अब्भिंतराणंतरं तच्चं उत्तरं अद्धमंडलसंठि उवसंकमित्ता चारं चरड़ ।
ताजा सूरि अब्धिंतराणंतरं तच्चं उत्तरं अद्धमंडलसंठिइं उवसंकमित्ता चारं चरड़ तया णं अट्ठारसमुहुत्ते दिवसे भवइ, चउहिं एगट्टिभागमुहुत्तेहिं ऊणे,
दुवालसमुहुत्ता राई भवइ, चउहिं एगट्टिभागमुहुत्तेहिं अहिया,
एवं खलु एएणं उवाएणं णिक्खममाणे सूरिए तयाणंतराओ मंडलाओ तयाणंतरं मंडलं संकममाणे संकममाणे तंसि तंसि देसंसि तं तं अद्धमंडलसंठिई संकममाणे संकममाणे उत्तराए अंतराए भागाए तस्साइपएसाए सव्वबाहिरं दाहिणं अद्धमंडलसंठि उवसंकमित्ता चारं चरड़,
ता जया णं सूरिए सव्वबाहिरं दाहिणं अद्धमंडलसंठिइं उवसंकमित्ता चारं चरड़, तया णं उत्तमकट्ठपत्ता उक्कोसिया अट्ठारसमुहुत्ता राइ भवइ, जहण्णए दुवालसमुहुत्ते दिवसे भवइ,
एस णं पढमे छम्मासे, एस णं पढमस्स छम्मासस्स पज्जवसाणे,
से पविसमाणे सूरिए दोच्चं छम्मासं अयमाणे पढमंसि अहोरत्तंसि दाहिणाए अंतराए भागाए तस्साइपएसाए बाहिराणंतरं उत्तरं अद्धमंडलसंठि उवसंकमित्ता चारं चरड़,
ता जया णं सूरिए बाहिराणंतरं उत्तरं अद्धमंडलसंठिङ्गं उवसंकमित्ता चारं चरड़ तया णं अट्ठारसमुहुत्ता राई भवइ, दोहिं एगट्टिभागमुहुत्तेहिं ऊगा, दुवालसमुहुते दिवसे भवइ दोहिं एगट्टिभागमुहुतेहिं अहिए,
से पविसमाणे सूरिए दोच्चंसि अहोरत्तंसि उत्तराए अंतराए भागाए तस्साइपएसाए बाहिरं तच्छं दाहिणं अद्धमंडलसंठिइं उवसंकमित्ता चारं चरड़,
ता जया णं सूरिए बाहिरं तच्चं दाहिणं अद्धमंडलसंठिइं उवसंकमित्ता चारं चरड़ तया णं अट्ठारसमुहुत्ता राई भवइ चउहिं एगट्टिभागमुहुत्तेहिं ऊणा,
