________________
प्रथम प्राभृत
[द्वितीय प्राभृतप्राभृत] सूरस्स दाहिणा अद्धमंडलसंठिई
१२. ता कहं ते अद्धमंडलसंठिई आहिताति वदेजा ? तत्थ खलु इमे दुवे अद्धमंडलसंठिई पण्णत्ता, तं जहा - १. दाहिणा चेव अद्धमंडलसंठिई, २. उत्तरा चेव अद्धमंडलसंठिई। ता कहं ते दाहिणा अद्धमंडलसंठिई आहिताति वदेजा ?
ता अयण्णं जंबुद्दीवे दीवे सव्वदीव-समुदाणं सव्वभंतराए सव्वखुड्डागे वट्टे जाव जोयणसयसहस्समायाम - विक्खंभेणं तिण्णि जोयणसयसहस्साई, दोन्नि य सत्तावीसे जोयणसए, तिण्णि कोसे अट्ठावीसं च धणुसयं तेरस य अंगुलाई अद्धंगुलं च किंचिविसेसाहिए परिक्खेवेणं पण्णत्ते।
___मा जया णं सूरिए सव्वन्भंतरं दाहिणं अद्धमंडलसंठिति उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ। ___ . से निक्खममाणे सूरिए णवं संवच्छरं अयमाणे पढमंसि अहोरत्तंसि दाहिणाए अंतराए भागाए तस्सादिपदेसाए अब्भिंतराणंतरं उत्तरं अद्धमंडलं संठिई उवसंकमित्ता चारं चरइ।
ता जया णं सूरिए अभिंतराणंतरं उत्तरं अद्धमंडलसंठिई उवसंकमित्ता चारं चरइ, तया णं अट्ठारसमुहुत्तेहिं दिवसे भवइ दोहिं एगट्ठिभागमुहुत्तेहिं ऊणे।
दुवालसमुहुत्ता राई भवइ, दोहिं एगट्ठिभागमुहुत्तेहिं अहिया।
से निक्खममाणे सूरिए दोच्चंसि अहोरत्तंसि उत्तराए अंतराए भागाए तस्सादिपदेसाए अब्भिंतरं तच्चं दाहिणं अद्धमंडलसंठितिं उवसंकमित्ता चारं चरइ।
ता जया णं सूरिए अब्भिंतरं तच्चं दाहिणं अद्धमंडलसंठितिं उवसंकमित्ता चारं चरइ, तया णं अट्ठारसमुहुत्ते दिवसे भवइ, चउहिं एगट्ठिभागमुहुत्तेहिं ऊणे।
दुवालसमुहुत्ता राई भवइ, चउहिं एगट्ठिभागमुहुत्तेहिं अहिया।
