________________
[ सूर्यप्रज्ञप्तिसूत्र
अट्ठारसमुहुत्ते दिवसे भवइ जहणिया दुवालसमुहुत्ता राई भवइ,
एस णं दोच्चे छम्मासे, एस णं दुच्चस्स छम्मासस्स पजवसाणे।
एस णं आदिच्चे संवच्छरे एस णं आदिच्चस्स संवच्छरस्स पज्जवसाणे। उपसंहारसुत्तं
एवं खलु तस्सेव आदिच्चस्स संवच्छरस्स सइं अट्ठारसमुहुत्ते दिवसे भवइ, सइं अट्ठारसमुहुत्ता राई भवइ, सई दुवालसमुहुत्ते दिवसे भवइ, सई दुवालसमुहुत्ता राई भवइ,
पढमे छम्मासे - अत्थि अट्ठारसमुहुत्ता राई भवइ, नत्थि अट्ठारसमुहुत्ते दिवसे, अत्थि दुवालसमुहुत्ते दिवसे भवइ, नत्थि दुवालसमुहुत्ता राई। दोच्चे वा छम्मासे - अत्थि अट्ठारसमुहुत्ते दिवसे भवइ। नत्थि अट्ठारसमुहुत्ता राई, अत्थि दुवालसमुहुत्ता राई नत्थि दुवालसमुहुत्ते दिवसे भवइ,
पढमे वा छम्मासे दोच्चे वा छम्मासे - णत्थि पण्णरसमुहुत्ते दिवसे भवइ, णत्थि पण्णरसमुहुत्ता राई भवइ, णत्थि राइंदियाणं वड्ढोवड्ढीए, मुहुत्ताण वा चयोवचएणं णण्णत्थ वा अणुवायगईए, गाहाओ भाणियव्वाओ।
१. अत्र अनन्तरोक्तार्थसंगाहिका अस्या एव सूर्यप्रज्ञप्तेर्भद्रबाहुस्वामिना या नियुक्तिः कृता तत्प्रतिबद्धा अन्या वा काश्चन ग्रन्थान्तरसुप्रसिद्धा गाथा वर्तन्ते ता'भणितव्या' पठनीया, ताश्च सम्प्रति क्वापि पुस्तके न दृश्यन्तइति व्यवच्छिन्ना सम्भाव्यन्ते ततो न कथयितुं 'व्याख्यातुं वा शक्यन्ते।' - सूर्य. टीका.
