________________
सूर्यप्रज्ञप्तिसूत्र ]
[ २०७
प. ता कहं ते वड्ढोवड्ढी मुहुताणं आहितेत्ति वदेज्जा ? उ. गोयमा! ता अट्ठ एगूणवीसे मुहुत्तसते सत्तावीसं च सत्तट्ठिभागो मुहुत्तस्स आहितेत्ति वदेजा।
॥ सूत्र ८॥
जाव .................
इय एस पागडत्थ, अभव्वजणहियय-दुल्लभा इणमो। उक्कित्तिया भगवती जोइसरायस्स पण्णत्ती॥१॥ एस गहियावि संती, थद्धे गारवियमाणपडिणीए। अबहुस्सुए ण देया, तविवरीए भवे देया॥२॥ (सद्धा) धिइउट्ठाणुच्छाह-कम्मबलविरिय-पुरिसकारेहि। जो सिक्खिओवि संतो, अभायणे परिक्खविजाहि॥३॥ सो पवयण-कुल-गण-संघबाहिरो णाणविणय-परिहीणो। अरहंत-थेरगणहरमेरं किर होइ वोलीणो॥४॥ तम्हा धिइउट्ठाणुच्छाह-कम्मबलवीरियसिक्खियं नाणं। धारेयव्वं णियमा, ण य अविणएसु दायव्वं ॥५॥ वीरवरस्स भगवतो, जरमरण-किलेस-दोसरहियस्स। वंदामि विणयपणतो सोक्खुप्पाए सया पाए॥६॥ सूत्र १०७
॥ वीसइमं पाहुडं समत्तं॥ ॥ चंदपन्नत्ती समत्ता॥
