________________
२०६ ]
[ सूर्यप्रज्ञप्तिसूत्र
ओगाहइ केवइयं ५, केवइयं च विकंपइ ६। मंडलाण य संठाणे ७, विक्खंभो ८, अट्ठ पाहुडा॥११॥ सूत्र २ छप्पंच य सत्तेव य, अट्ठ य तिनि य हवंति पडिवत्ती। पढमस्स पाहुडस्स उ, हवंति एयाओ पडिवत्ती॥१२॥ सूत्र ३ पडिवत्तीओ उदए, अदुव अत्थमणेसु य। भेयघाए कण्णकला, मुहुत्ताण गईइ य॥१३॥ निक्खममाणे सिग्घगई, पविसंते मंदगईइ य। चुलसीइसयं पुरिसाणं, तेसिं च पडिवत्तीओ॥१४॥ उदयम्मि अट्ठ भणिया, भेयग्याए दुवे च पडिवत्ती। चत्तारि मुहुत्तगईए, होति तइयम्मि पडिवत्ती॥ १५॥ सूत्र ४ आवलिय १, मुहुत्तग्गे २, एवंभागा ३ य, जोगस्सा ४। कुलाइं ५, पुण्णमासी ६ य, संनिवाए ७ य संठिई ८॥१६॥ तारग्गं ९, चणेता य, १०, चंदमग्गत्ति ११ यावरे। देवताणं य अज्झयणा १२, मुहुत्ताणं नामया १३ इय॥१७॥ दिवसा राई य वुत्ता १४ य, तिहि १५, गोत्ता १६भोयणाणि य १७। आइच्चचार १८, मासा १९ य, पंच संवच्छरा २० इय॥१८॥ जोइसस्स य दाराई २१,
नक्खतविचए २२ विय। दसमे पाहुडे एए,
बावीसं पाहुड-पाहुडा॥१९॥ सूत्र ५ तेणं कालेणं तेणं समएणं मिहिला णामं णयरी होत्था रिद्धस्थिमियसमिद्धा पमुइयजणजाणवया जाव पासादीया, वण्णओ॥१॥
तीसे णं मिहिलाए णयरीए बहिया उत्तरपुरस्थिमे दिसीभाए एत्थ णं माणिभद्दे णामं चेइए होत्था चिराईए, वण्णओ॥२॥
तीसे णं मिहिलाए णयरीए जियसत्तूणामं राया, धारिणी देवी, वण्णओ॥३॥
तेणं कालेणं तेणं समएणं तंमि माणिभद्दे चेइए सामी समोसढे, परिसा णिग्गया, धम्मो कहिओ, परिसा पडिगया जाव राया जामेव दिसिं पाउब्भूए तामेव दिसिं पडिगए॥४॥ सूत्र ६॥
तेणं कालेणं तेणं समएणं समणस्स भगवओ महावीरस्स जेठे अंतेवासी इंदभूई णामं अणगारे गोयमगोत्ते णं सत्तुस्सेहे जाव पजुवासमाणे एवं वयासी ॥ सूत्र ७॥
