________________
२०० ]
[ सूर्यप्रज्ञप्तिसूत्र
अवसेसे समए चंदे रत्ते य, विरत्ते य भवइ। ख. तत्थ णं जे ते पव्वराहू से जहण्णेणं छण्हं मासाणं,
उक्कोसेणं बायालीसाए मासाणं चंदस्स, अडयालीसाए संवच्छराणं सूरस्स। चंदस्स ससी-अभिहाणं १०४. प. ता कहं ते चंदे ससी चंदे ससी आहिए ? ति वएज्जा।
उ. ता चंदस्स णं जोइसिंदस्स जोइसरण्णो मियंके विमाणे कंता देवा, कंताओ देवीओ, कताई आसण-सयण-खंड-भंड-मत्तोवगरणाइं।
अप्पणा वि णं चंदे देवे जोइसिंदे जोइसराया सोमे कंते सुभे पियदसणे सुरूवे।
ता एवं खलु चंदे ससी, चंदे ससी आहिए त्ति वएज्जा। सूरस्स आइच्चाभिहाणं
प. ता कहं ते सूरिए आइच्चे सूरिए आइच्चे आहिए ? त्ति वएज्जा।
उ. ता सूरादीया समयाइ वा आवलियाइ वा आणापाणूइ वा थोवइ वा, जाव उस्सपिणी, ओसप्पिणीइ वा। ता एवं खलु सूरे आइच्चे सूरे आइच्चे आहिए त्ति वएजा। चंद-सूराईणं काम-भोगपरूवणं १०५. प. ता चंदस्स णं जोइसिंदस्स जोइसरण्णो कइ अग्गमहिसीओ पण्णत्ताओ?
उ. ता चत्तारि अग्गमहिसीओ पण्णत्ताओ, तंजहा - १. चंदप्पभा, २. दोसिणाभा, ३. अच्चिमाली,
४. पभंकरा। जहा हेट्ठा तं चेव जाव णो चेव णं मेहुणवत्तियं । एवं सूरस्स वि णेयव्वं। प. ता चंदिम-सूरिया जोइसिंदा जोइसरायाणो केरिसे कामभोगे पच्चुणुभवमाणा विहरंति ? उ. ता से जहाणामए केई पुरिसे, पढमजोव्वणुट्ठाणबलसमत्थे, पढमजोव्वणुट्ठाणबलसमत्थाए भारियाए सद्धिं, अचिरवत्तविवाहे, अत्थत्थी अत्थगवेसणयाए सोलसबासविप्पवसिए, से णं ततो लद्धढे कयकजे अणहसमग्गे पुणरवि णियगधरं हव्वमागए,
