________________
बीसवाँ प्राभृत ]
[ २०१
पहाए कयबलिकम्मे कयकोउयमंगलपायच्छित्ते सुद्धप्पवेसाई मंगलाई वत्थाई पवरपरिहिए, अप्प-महग्घाभरणालंकियसरीरे, मणुण्णं थालीपाकसुद्धं अट्ठारसवंजणाउलं भोयणं भुत्ते समाणे, तंसि तारिसगंसि वासघरंसि अंतो सचित्तकम्मे ,
बाहिरओ दूमियघट्ठमढे विचित्तउल्लोअ-चिल्लियतले बहुसमसुविभत्तभूमिभाए, मणिरयणपणासियंधयारे।
कालागुरू-पवरकुंदुरुक्क-तुरुक्क धूव-मघमघेतगंधुद्धयाभिारामे सुगंधवरगंधिए, गंधवट्टिभूए,
तंसि तारिसगंसि सयणिजसि दुहओ उण्णए मझे णयगंभीरे उभओ सालिंगणवट्टिए, उभओ पण्णत्तगंडबिब्बोयणे,
सुरम्भे गंगापुलिण बालुआ उद्दाल सालिसए सुविरइयरयताणे, ओयविय खोमियरणोमदुगूलपट्ट पडिच्छायणे रंतसुसंवुडे, __. सुरम्मे आईणग-रूय-बूर-णवणीय-तूलफासे, सुगंधवर-कुसुमचुण्ण-सयणोवयारकलिए, ताए तारिसाए भारियाए सद्धिं सिंगारागारचारुवेसाए संगत-हसित-भणित-चिट्ठित संलाव-विलासणिउणजुत्तोवयारकुसलाए अणुरत्ताविरत्ताए मणोऽणुकूलाए सद्धिं एगंतरतिपसत्ते अण्णत्थ कत्थई मणं अकुव्वमाणे इठे सद्द-फरिस-रस-रूव-गंधे पंचविहे माणुस्सए कामभोगे पच्चणुभवमाणे विहरिज्जा। ..... प. ता से णं पुरिसे विउसमणकालसमयंसि केरिसए सायासोक्खं पच्चणुभवमाणे विहरइ ?
उ. उरालं समणाउसो।
ता तस्स णं पुरिसस्स कामभोगेहिंतो एत्तो अणंतगुणविसिट्ठतरा चेव वाणमंतराणं देवाणं कामभोगा,
वाणमंतराणं देवाणं काम-भोगेहितो अणंतगुणविसिट्ठतरा चेव असुरिंदवज्जियाणं भवणवासीणं देवाणं कामभोगा,
असुरिंदवजियाणं देवाणं काम-भोगेहिंतो एत्तो अणंतगुणविसिट्ठतरा चेव असुरकुमाराणं इंदभूयाणं देवाणं कामभोगा,
असुरकुमाराणं देवाणं काम-भोगेहितो अणंतगुणविसिट्ठतरा चेव गहगण-णक्खत्त-तारा-रूवाणं कामभोगा,
गहगण-णक्खत्त-तारारूवाणं काम-भोगेहितो अणंतगुणविसिद्रुतरा चेव चंदिम-सूरियाणं देवाणं कामभोगा,
ता एरिसए णं चंदिम-सूरिया जोइसिंदा जोइसरायाणो कामभोगे पच्चुणुभवमाणा विहरंति।
