________________
१९८ ]
[ सूर्यप्रज्ञप्तिसूत्र
खलु तया माणुसलोयंसि माणुसा एवं वयंति - ‘एवं खलु राहु चंद वा सूरं वा गेण्हइ, ते एवमाहंसु।'
वयं पुण एवं वयामो -
ता राहू णं देवे महिड्डीए महज्जुइए महब्बले महायसे महासोक्खे महाणुभावे, वरवत्थधरे, वरमल्लधरे, वराभरणधारी। राहुस्स णव णामाई
ता राहुस्स णं देवस्स णव णामधेजा पण्णत्ता, तंजहा – १. सिंघाडए, २. जडिलए, ३. खरए, ४. खेत्तए, ५. ढड्डरे, ६. मगरे, ७. मच्छे, ८. कक्छभे, ९. कण्णसप्पे। राहुस्स विमाणा पंचवण्णा
ता राहुस्स णं देवस्स विमाणा पंचवण्णा पण्णत्ता, तंजहा – १. किण्हा, २. नीला, ३. लोहिया, ४. हालिद्दा, ५. सुक्किल्ला।
अत्थि कालए राहुविमाणे खंजणवण्णाभे पण्णत्ते। अत्थि नीलए राहुविमाणे लाउयवण्णाभे पण्णत्ते। अत्थि लोहिए राहुविमाणे मंजिट्ठामण्णाभे पण्णत्ते। अत्थि हालिइए राहुविमाणे हालिद्दावण्णाभे पण्णत्ते। अस्थि सुक्किल्लए राहुविमाणे भासरासिवण्णाभे पण्णत्ते।
ता जया णं राहू देवे आगच्छमाणे वा, गच्छमाणे वा, विउव्वेमाणे वा, परियारेमाण वा, चंदस्स वा, सूरस्स वा लेस्सं पुरथिमेणं आवरित्ता पच्चत्थिमेणं वीईवयइ, तया णं पुरथिमेणं चंदे वा सूरे वा उवदंसेइ पच्चत्थिमेणं राहू।
ता जया णं राहू देवे आगच्छमाणे वा, गच्छमाणे वा, विउव्वेमाणे वा, परियारेमाणे वा, चंदस्स वा, सूरस्स वा लेस्सं दाहिणेणं आवरित्ता उत्तरेणं वीईवयइ, तया णं दाहिणेणं चंदे वा सूरे वा उवदंसेइ उत्तरेणं राहू।
एएणं अभिलावेणं पच्चत्थिमेणं आवरित्ता पुरत्थिमेणं वीईवयइ, उत्तरेणं आवरित्ता दाहिणेणं वीईवयई।
ता जया णं राहू देवे आगच्छमाणे वा, गच्छमाणे वा, विउव्वेमाणे वा, परियारेमाणे वा, चंदस्स वा सूरस्स वा लेसं दाहिणपुरथिमेणं आवरित्ता उत्तरपच्चत्थिमेणं वीईवयइ, तया णं दाहिणपुरथिमेणं चंदे वा सूरे वा उवदंसेइ, उत्तरपच्चत्थिमेणं राहू।।
ता जया णं राहू देवे आगच्छमाणे वा, गच्छमाणे वा, विउव्वेमाणे वा, परियारेमाणे वा चंदस्स वा सूरस्स वा लेसं दाहिणपच्चत्थिमेणं आवरित्ता उत्तरपुरस्थिमेणं वीईवयइ, तया णं दाहिणपच्चत्थिमेणं
