________________
बीसवाँ प्राभृत ]
वरवत्थधरा, वरमल्लधरा, वराभरणधरा अवोछित्तिणयट्टयाए अन्ने चयंति, अन्ने उववज्जंति ।
राहु-कम्मपरूवणं
१०३. प. ता कहं ते राहुकम्मे ? आहिए त्ति वएजा ?
उ. तत्थ खलु इमाओ दो पडिवत्तीओ पण्णत्ताओ तं जहा
एत्थेगे एवमाहंसु -
१. अत्थि णं से राहु देवे जे णं चंदं वा सूरं वा गिण्हइ, 'एगे एवमाहंसु' । एगे पुण एवमाहंसु -
२. नत्थि णं से राहू देवे जे णं चंदं वा सूरं वा गिण्हइ, एगे एवमाहंसु । तत्थ जे ते एवमाहंसु -
अथ से राहू देवे जे णं चंदं वा सूरं वा गिण्हइ, से एवमाहंसु - ता राहूणं देवे चंदं वा सूरं वा गेण्हमाणे -
१. बुद्धतेणं गिण्हित्ता, बुद्धतेणंमुयइ,
२. बुद्धतेणं गिहित्ता, मुद्धतेणंमुयइ, ३. मुद्धतेणं गिहित्ता, बुद्धतेणंमुयइ,
४. मुद्धतेणं गिण्हित्ता, मुद्धतेणंमुयइ,
१. वामभुयंतेणं गिहित्ता, वामभुयंतेणं मुयइ,
२. वामभुयंतेणं गिण्हित्ता, दाहिणभुयंतेणं मुयइ,
३. दाहिणभुयंतेणं गिण्हित्ता, वामभुयंतेणं मुयइ,
४. दाहिणभयंतेणं गिण्हित्ता, दाहिणभुयंतेणं मुयइ ॥
-
[१९७
तत्थ जे ते एवमाहंसु -
ता नत्थां से राहू देवे जे णं चंदं वा, सूरं वा गेण्हइ, ते एवमाहंसु -
तत्थ णं इमे पण्णरसकसिणपोग्गला, पण्णत्ता, तंजहा - १. सिंघाणए, २. जडिलए, ३. खरए, ४. खतए, ५. अंजणे, ६. खंजणे, ७. सीतले, ८. हिमसीतले, ९. केलासे, १०. अरुणाभे, ११. परिज्जए, १२. णभसूरए, १३. कविलिए, १४. पिंगलए, १५. राहू ।
ता जया णं एए पण्णरस कसिणा कसिणा पोग्गला सया चंदस्स वा सूरस्स वा लेसाणुबद्धचारिणो भवति, तया णं माणुसलोयंसि माणुसा एवं वयंति - 'एवं खलु राहू चंदं वा सूरं वा गेण्हइ, एवं ता जया णं एए पण्णरस कसिणा कसिणा पोग्गला णो सया चंदस्स वा सुरस्स वा लेसावुबद्धचारिणो भवंति णो
