________________
उन्नीसवाँ प्राभृत ]
[ १९३
सेसाणं दीव-समुद्दाणं आयामाह १०१. ता पुक्खरवरंणं दीवं पुक्खरोदे णामं समुद्दे वट्टे वलयाकारसंठाणसंठिए सव्वओ समंत्ता संपरिक्खित्ता
णं चिट्ठइ। प. ता पुक्खरोदे णं समुद्दे किं समचक्कवालसंठिए विसमचक्कवालसंठिए ? उ. ता समचक्कवालसंठिए नो विसमचक्कवालसंठिए । प. ता पुक्खरोदे णं समुद्दे केवइयं चक्कवालविक्खंभेणं ? केवइयं परिक्खेवेणं ? आहिए त्ति
वएज्जा? उ. ता संखेजाई जोयणसहस्साइं आयामविक्खंभेणं,
संखेजाई जोयणसहस्साई परिक्खेवेणं आहिए त्ति वएजा। प. ता पुक्खरोदे णं समुद्दे केवइया चंदा पभासेंसुवा, जाव केवइया तारागण-कोडिकोडीओ
सोभं सोभिस्संति वा। उ. ता पुक्खरोदे णं समुद्दे संखेज्जा चंदा पभासेंसु वा जाव संखेजाओ तारागणकोडिकोडीओ सोभं
सोभिस्संति वा।
एवं एएणं अभिलावेणं - १. वरुणवरे दीवे, २. वरुणोदे समुद्दे, १. खीरवरे दीवे, २. खीरोदे समुद्दे, १. घयवरे दीवे, २. घयोदे समुद्दे, १. खोयवरे दीवे, २. खोयोदे समुद्दे, १. नंदीसरवरे दीवे, २. नंदीसरे समुद्दे, १. अरुणे दीवे, २. अरुणोदे समुद्दे, १. अरुणवरे दीवे, २. अरुणवरोदे समुद्दे, १. अरुणवरोभासे दीवे, २. अरुणवरभासोदे समुद्दे, १. कुडले दीवे, २. कुडलोदे समुद्दे, १. कुडलवरे दीवे, २. कुडलवरोदे समुद्दे, १. कुडलवरोभासे दीवे, २. कुडलवरभासोदे समुद्दे।
सव्वेसिं विक्खंभ-परिक्खेवो जोइसाइं च पुक्खरोदसागरसरिसाई। ता कुडलवरभासोदं समुदं रुयए दीवे वट्टे वलयाकारसंठाणसंठिए, सव्वओ समंता संपरिक्खित्ताणं
