________________
१९० ]
[ सूर्यप्रज्ञप्तिसूत्र
चंदस्स परिवुड्डि-परिहाणी -
गाहाओ - केणइ वड्डइ चंदो ? परिहाणी केण हुंति चंदस्स ? कालो वा जोण्हो वा ? केणऽणुभावेण चंदस्स? किण्हं राहुविमाणं णिच्चं चंदेण होइ अविरहियं । चउरंगुलमसंपत्तं, हिच्चा चंदस्स तं चरइ॥ बावष्टुिं बावढेि, दिवसे दिवसे तु सुक्कपक्खस्स। जं परिवड्डइ चंदो, खवेइ चेव काले णं॥ पण्णरसइ भागेण य चंदं पण्णरसमेव तं वरइ। पण्णरसइ भागेण य, पुणोऽवि तं चेव वक्कमइ॥ एवं वड्ढइ चंदो, परिहाणी एव होइ चंदस्स।
कालो वा जोण्हो वा, एवष्णुभावेण चंदस्स॥ अणवट्ठिया अवट्ठिया वा जोइसिया -
गाहाओ - अंतोमणुस्स खेत्ते, हवंति चारोवगा उ उववण्णा। पंचविहा जोइसिया, चंदा सूरा गहगणा य॥ तेण परं जे सेसा, चंदाइच्च-गह-तार-णक्खत्ता।
णत्थि गई णवि चारो, अवट्ठिया ते मुणेयव्वा॥ अड्ढाइजेसु दीव-समुद्देसु जोइसियाणं पमाणं -
गाहाओ - एवं जंबुद्दीवे, दुगुणा, लवणे चउग्गुणा हुँति। लावणगा य तिगुणिया, ससि-सूरा धायइसंडे॥ दो चंदा इह दीवे, चत्तारि य सायरे लवणतोए। धायइसंडे दीवे, बारस चंदा य सूरा य॥
