________________
उन्नीसवाँ प्राभृत ]
जोइसियाणं पंतीओ गाओ
-
-
चत्तारि य पंतीओ, चंदाइच्चाण मणुयलोगंमि । छावट्ठि छावट्ठि च, हवइ एक्केक्किया पंती ॥ छावत्तरं गहाणं, पंतिसयं हवंति मणुयलोगंमि । छावट्ठि छावट्ठि च हवइ एक्केक्किया पंती ॥ छप्पन्नं पंतीओ, णक्खत्ताणं तु मणुयलोगंमि । छावट्ठि छावट्ठि हवइ एक्केक्किया पंती ॥
जोइसियाणं मंडला
गाहाओ
पदाहिणवत्त मंडला सव्वे ।
ते मेरुमणुचरंता, अणवट्टिय जोगेहिं, चंदा सूरा गहगणा य ॥ णक्खत्त- तारागाणं, अवट्ठिया, मंडला मुणेयव्वा । तेऽवि य पदाहिणावत्तेमेव मेरुं अणुचरंति ॥ जोइसियाणं मंडलसंकमणं -
'रयणिकर- दिणकराणं, उद्धं च अहेव संकमो नत्थि । मंडलसंकमणं पुण, सब्धंतर - बाहिरं तिरिए ॥
जोइसाणं चारं सुह- दुहस्स निमित्तकारणं -
रयणिकर- दिणकराणं, णक्खत्ताणं महग्गहाणं च । चारविसेसेण भवे, सुह- दुक्खविही मणुस्साणं ॥
जोइसियाणं तावक्खेत्तं
तेसिं पविसंताणं तावक्खेत्तं तु वड्ढए णिययं । तेणेव कमेण पुणो, परिहायइ निक्खमाणाणं ॥ तेंसि कलंबुयापुप्फसंठिया हुंति तावक्खेत्तपहा । अंतो य संकुडा बाहिं वित्थडा चंद-सूराणं ॥
[
१८९
