________________
उन्नीसवाँ प्राभृत ]
[ १८५
पुक्खरवरदीवे
ता कालोयं णं समुदं पुक्खरवरे णाम दीवे वट्टे वलयाकारसंठाणसंठिए सव्वओ समंता संपरिक्खित्ता णं चिट्ठइ।
प. ता पुक्खरे णं दीवे किं समचक्कवालसंठिए विसमचक्वालसंठिए ? उ. ता पुक्खरवरे णं दीवे समचक्कवालसंठिए, नो विसमचक्वालसंठिए। प. ता पुक्खरवरे णं दीवे केवइयं समचक्कवालविक्खंभेणं ? केवइयं परिक्खेवेणं ? उ. ता सोलस जोयणसयसहस्साई चक्कवालविक्खंभेणं।
एगा जोयणकोडी बाणउइं च सयसहस्साई अउणावनं च सहस्साइं अट्ठ चउणउए जोयणसए परिक्खेवेणं, आहिए त्ति वएज्जा। गाहा -
कोडी बाणउई खलु, अउणाणउइं भवे सहस्साई।
__अट्ठसया चउणउया, परिरओ पोक्खरवरस्स॥ १. प. ता पुक्खरवरे णं दीवे -
केवइया चंदा पभासिंसु वा, पभासिंति वा, पभासिस्संति वा ? २ प. केवइया सूरा तविंसु वा, तवेंति वा तविस्संत्ति वा ? ३ प. केवइया गहा चारं चरिंसु वा, चरंति वा चरिस्संति वा ? ४ प. केवइया णक्खत्ता जोगं जोइंसु वा, जोएंति वा जोइस्संति वा ? ५ प. केवइया तारागणकोडिकोडीओ सोभं सोभेंसु वा सोभंति वा सोभिस्संति वा ? १ उ. ता चोयालं चंदसयं पभासेंसु वा, पभासिंति वा, पभासिस्संति वा। २ उ. चोंयालं सूरियाणं सयंतविंसु वा, तवेंति वा, तविस्संति वा। ३ उ. बारस सहस्साइं छच्च बाबतरा महग्गहसया चारं चरिंसु वा, चरन्ति वा, चरिस्संति वा। ४ उ. चत्तारि सहस्साइं बत्तीसं च णक्खता जोगं जोइंसु वा, जोयंति वा, जोइस्संति वा। ५ उ. छण्णउइसयसहस्साई, चोयालीसं सहस्साइं चतारि य सयाई तारागणकोडिकोडीणं
सोभं सोभेसु वा, सोभेति वा, सोभिस्संति वा। गाहाओ
चत्तालं चंदसयं, चत्तालं चेव सूरियाण सयं। पोक्खरवरदीवम्मि य, चरंति एए पभासंता॥
