________________
१८४ ]
[ सूर्यप्रज्ञप्तिसूत्र
.. प. ता कालोए णं समुद्दे केवइयं चक्कवालविक्खंभेणं, केवइयं परिक्खेवेणं ? आहिए त्ति
वएज्जा। उ. ता कालोए णं समुद्दे अट्ठ जोयणसयसहस्साई चक्कवालविखंभेणं, पण्णत्ते।
एक्काणउई जोयणसयसहस्साइं सत्तरिं च सहस्साई छच्च पंचुत्तरे जोयणसए किंचि विसेसाहिए परिक्खेवेणं, आहिए त्ति वएजा। गाहा - एक्काणउई सयसहस्सं, सत्तरि सहस्साई परिरओ तस्स।
आहियाई छच्च पंचुत्तराई, कालोदधि वरस्स॥ १ प. ता कालोए णं समुद्दे -
__केवइया चंदा पभासिंसु वा, पभासिंति वा, पभासिस्संति वा ? २ प. केवइया सूरा तविंसु वा, तवेंति वा तविस्संत्ति वा ? ३ प. केवइया गहा चारं चरिंसु वा, चरंति वा चरिस्संति वा ? ४ प. केवइया णक्खत्ता जोगं जोइंसु वा, जोएंति वा जोइस्संति वा? - ५ प. केवइया तारागणकोडिकोडीओ सोभं सोभेसु वा सोभंति वा सोभिस्संति वा ? १ उ. ता कालोए णं समुद्दे बायालीसं चंदा पभासेंसु वा, पभासिंति वा, पभासिस्संति.वा। २ उ. बायालीसं सूरा तवेंसु वा, तवेंति वा, तविस्संति वा। ३ उ. तिन्नि सहस्सा छच्च छन्नउया महग्गहसया चारं चरिंसु वा चरंति वा, चरिस्संति वा। ४ उ. एक्कारस छावत्तरा णक्खत्तसया जोगं जोइंसु वा जोएंति वा, जोइस्संति वा। ५ उ. अट्ठावीसं सयसहस्साइं, बारस सहस्साइं नव य सयाई पण्णासा तारागणकोडिकोडीओ
सोभं सोभेसु वा, सोभंति वा, सोभिस्संति वा। गाहाओ - बायालीसं चंदा, बायालीसं च दिणकरादित्ता। कालोदहिमि एए, चरति संबद्धलेसागा॥ णक्खत्तसहस्सं, एगमि छावत्तरं च सतमण्णे। छच्चसया छण्णउया, महग्गह, तिण्णि य सहस्सा॥ अट्ठावीसं सयसहस्सं, बारस य सहस्साई। णवयसया पण्णासा, तारागण कोडिकीडीणं॥
