________________
उन्नीसवाँ प्राभृत ]
[ १८३
प. धायईसंडे णं दीवे केवइयं चक्कवालविक्खंभेणं केवइयं परिक्खेवेणं? आहिए त्ति वएज्जा। उ. ता चत्तारि जोयणसयसहस्साई चक्कवालविक्खंभेणं ईयालीसं जोयणसयसहस्साइं दस य ___ सहस्साइं णव य एगट्टे जोयणसए किंचि विसेसूणं परिक्खेवेणं, आहिए त्ति वएज्जा
गाहा
१ प. धायइसंडे दीवे - धायइसंड परिरओ ईयाल दसूत्तरा सयसहस्सा।
___णव य सया एगट्ठा, किंचि विसेसेण परिहीणा॥ केवइया चंदा पभासेंसु वा, पभासिंति वा, पभासिस्संति वा ? २ प. केवइया सूरिया तवेंसु वा, तविंति वा, तविसिस्संति वा ? ३ प. केवइया गहा चारं चरिंसु वा, चरंति वा चरिस्संति वा ? ४ प. केवइया णक्खत्ता जोगं जोइंसु वा, जोएंति वा जोइस्संति वा ? ५ प. केवइया तारागणकोडाकोडीओ सोभं सोभेसु वा, सोभंति वा सोभिस्संति वा ? १ उ. बारस चंदा पभासेंसु वा, पभासिंति वा, पभासिस्संति वा। २ उ. बारस सूरिया तवेंसु वा, तविंति वा, तविसिस्संति वा। ३ उ. एगं छप्पण्णं महग्गहसहस्सं चार चरिंसु वा, चरंति वा, चरिस्संति वा। ४ उ. तिण्णिं छत्तीसा णक्खत्तसया जोगं जोएंसु वा, जोएंति वा, जोइस्संति वा। ५ उ. गाहाओ -
अद्वैव सय सहस्स, तिण्णि सहस्साइं सत्त य सयाई। एगससीपरिवारो, तारागणकोडिकोडीणं॥ चउवीसं ससि-रविणो, णक्खतसया य तिण्णि छत्तीसा। एगं च गहसहस्सं, छप्पणं धायईसंडे॥ अद्वैव सयसहस्सा, तिण्णि सहस्साई सत्त य सयाई
धायइसंडे दीवे, तारागण कोडिकोडीणं॥ कालोए समुद्दे
ता धायईसंडं णं दीवं कालोए णामं समुद्दे वट्टे वलयाकारसंठाणसंठिए सव्वओ समंता संपरिक्खित्ताणं चिट्ठइ। प. ता कालोए णं समुद्दे किं समचक्कवालसंठिए विसमचक्वालसंठिए ? उ. ता कालोए णं समुदेसमचक्कवालसंठिए, नो विसमचक्वालसंठिए।
