________________
उन्नीसवाँ प्राभृत ]
[ १८१
- वयं पुण एवं वयामो - जम्बूहीवो-जंबुद्दीवे जोइसियपरिमाणं
ता अयण्णं जंबुद्दीवे दीवे सव्वदीवसमुदाणं सव्वब्भंतराए सव्वखुड्डाए जाव एग जोयणसयसहस्सं आयाम-विक्खंभेणं, तिण्णि जोयणसयसहस्साई, सोलस सहस्साई, दोण्णि य सत्तावीसे जोयणसए, तिण्णि य कोसे, अट्ठावीसं च धणुसयं तेरस अंगुलाई, अद्धंगुलं च किंचि विसेसाहियं परिक्खेवेणं पण्णत्ते। १ प. जंबुद्दीवे दीवे -
केवइया चंदा पभासिंसु वा, पभासिंति वा पभासिस्संति वा ? २ प. केवइया सूरा तविंसु वा, तवेंति वा तविस्संत्ति वा ? ३ प. केवइया गहा चारं चरिंसु वा, चरंति वा चरिस्संति वा ? ४ प. केवइया णक्खत्ता जोयं जोइंसु वा, जोएंति वा जोइस्संति वा ? ५ प. केवइया तारागणकोडि-कोडीओ सोभं सोभेसु वा, सोभंति वा सोभिस्संति वा? १ उ. ता जंबुद्दीवे दीवे -
दो चंदा पभासेंसु वा, पभासिंति वा, पभासिस्संति वा। २ उ. दो सूरिया तविंसु वा, तवेंति वा, तविस्संति वा। ३ उ. छावत्तरि गहसयं चार चरिंसु वा, चरंति वा, चरिस्संति वा। ४ उ. छप्पण्णं णक्खत्ता जोयं जोएंसु वा जोएंति वा, जोइस्संति वा। ५ उ. एगं सयसहस्सं तेत्तीसं च सहस्सा णव सया पण्णासा तारागणकोडिकोडीणं सोभं
सोभेसु वा, सोभंति वा, सोभिस्संति वा। गाहाओ -
दो चंदा दो सूरा, णक्खत्ता खलु हवंति, छप्पणा। छावत्तरं गहसयं, जंबुद्दीवे विचारीणं॥ एगं च सयसहस्सं तेत्तीसं खलु भवे सहस्साइं।
णव य सया पण्णासा, तारागणकोडिकोडीणं॥ लवणसमुद्दो
ता जंबुद्दीवं दीवं लवणे नामं समुद्दे वट्टे वलयाकारसंठाणसंठिए सव्वओ समंता संपरिक्खित्ता णं चिट्ठइ।
