________________
उन्नीसवाँ प्राभृत चंद-सूर-णक्खत्त-ताराणं परिमाणं . १००. प. ता कइ णं चंदिम-सूरिया सव्वलोयं ओभासंति, उज्जोएंति, तति, पभासेंति ? आहिए त्ति
वएजा। उ. तत्थ खलु इमाओ दुवालस पडिवत्तीओ पण्णत्ताओ तंजहा -
तत्थेगे एवमाहंसु१. ता एगे चंदे एगे सूरे सव्वलोयं ओभासइ, उज्जोएइ, तवेइ, पभासइ, एगे एवमाहंसु।
एगे पुण एवमाहंसु - २. ता तिण्णिी चंदा, तिण्णिी सूरा सव्वलोयं ओभासेंति उज्जोएंति, तवेंति, पभासेति, एगे
एवमाहंसु।
एगे पुण एवमाहंसु - ३. ता अट्ठ चंदा अट्ठ सूरा सव्वलोयं ओभासेंति जाव पभासेंति एगे एवमाहंसु।
एएणं अभिलावेणं णेयव्वं, ४. सत्त चंदा, सत्त सूरा, ५. दस चंदा, दस सूरा, ६. बारस चंदा, बारस सूरा, ७. बायालीसं चंदा, बायालीसं सूरा, ८. बावत्तरी चंदा, बावत्तरी सूरा, ९. बायालीसं चंदसयं बायालीसं सूरसयं, १०.बावत्तरं चंदसयं बावत्तरं सूरसयं, ११.बायालीसं चंदसहस्सं बायालीसं सूरसहस्सं, १२.बावत्तरं चंदसहस्सं, बावत्तरं सूरसहस्सं, सव्वलोयं ओभासंति उजोएंति तवेंति, पभासेंति
एगे एवमाहंसु,
