________________
चौदहवां प्राभृत
दोसिणा अंधयारस्स य बहुत्तकारणं
८२. क. १. प. ता कता ते दोसिणा बहू आहितेंति वदेज्जा ?
उ. ता दोसिणापक्खे णं दोसिणा बहू आहितेति वदेज्जा ।
२. प. ता कहं ते दोसिणापक्खे दोसिणा बहू आहितेति वदेज्जा ?
उ. ता अंधकारपक्खाओ णं दोसिणा बहू आहितेति वदेज्जा ।
३. प. ता कहं ते अंधकारपक्खाओ णं दोसिणापक्कखे दोसिणा बहू आहितेति वदेज्जा ? उ. ता अंधकारपक्खाओं णं दोसिणापक्खं अयमाणे चंदे चत्तारि बायाले मुहुत्तसते छत्तालीस च बावट्टिभागे मुहुत्तस्स जाई चंदे विरज्जति, तंजहा
पढमाए पढमं भागं बिदियाए बिदियं भागं जाव पण्णरसीए पण्णरसं भाग ।
एंव खलु अंधकारपक्खाओ णं दोसिणापक्कखे दोसिणा बहू आहिताति वदेज्जा । ४. प. ता केवतिया णं दोसिणापक्खे दोसिणा बहू आहिताति वदेज्जा ? उ. ता परित्ता असंखेज्जा भागा।
-
ख. १. प. ता कता ते अंधकारे बहू आहितेति वदेज्जा ?
उ. ता अंधकारपक्खे णं अंधकारे बहू आहितेति वदेज्जा, २. प. ता कहं ते अंधकारपक्खे णं अंधकारे बहू आहितेति वदेज्जा ?
उ. ता दोसिणापक्खाओ अंधकारपक्खे णं अंधकारे बहू आहितेति वदेज्जा ?
३. प. ता कहं ते दोसिणापक्खाओ अंधकारपक्खेणं अंधकारे बहू आहितेति वदेज्जा ? उ. ता दोसिणापक्खाओ णं अंधकारपक्खं अयमाणे चंदे चत्तारि बायाले मुहुत्तसते छत्तालीसं च बावट्टिभागे मुहुत्तस्स जाई चंदे रज्जति, तंजहा- पढमाए पढमं भागं बितियाए बितियं भागं जाव पण्णरसं भागं,
एंव खलु दोसिणापक्खाओ णं अंधकारपक्खे अंधकारे बहू आहितेति वदेज्जा । ४. प. ता केवतिए णं अंधकारपक्खे अंधकारे बहू आहितेति वदेज्जा ? उ. परित्ते असंखेज्ज भागे ।
१. 'सूर्यप्रज्ञप्ति प्राभृत १३, सूत्र ७९ और सूर्यप्रज्ञप्ति प्रा. १४ सूत्र ८२' इन दोनों सूत्रों का फलितार्थ समान है । अन्तर इतना ही है कि सूत्र ७९ में 'चन्द्र की हानि - वृद्धि' का कथन है। सूत्र ८२ में 'चन्द्रिका तथा अन्धकार की अधिकता' का कथन है । किन्तु चन्द्र की हानि - वृद्धि से ही चन्द्रिका एवं अन्धकार की अधिकता होती है।
