________________
तेरहवां प्राभृत ]
तेरस सत्तट्ठिभागाइं चंदे अप्पणो परस्स च चिण्णं पडिचरइ, एयाक्या बाहिराणतरे पच्चथिमिल्ले अद्धमंडले समत्ते भवइ। तच्चायणगए चंदे पुरथिमाए भागाए पविसमाणे बाहिर तच्चस्स पुरथिमिल्लस्स अद्धमंडलस्स इगयालीसं सत्तट्टिभागाइं जाइं चंदे अप्पणो परस्स य चिण्णं पडिचरइ, तेरस सत्तट्टिभागाइं जाइं चंदे परस्स चिण्णं पडियरइ, तेरस सत्तट्टिभागाइं जाइं चंदे अप्पणो परस्स य चिण्णं पडियरइ, एयावया बाहिरतच्चे पुरथिमिल्ले अद्धमंडले समत्ते भवइ, ता तच्चायणगए चंदे पच्चत्थिमाए भागाए पविसमाणे बाहिर चउत्थस्स पच्चत्यिमिल्लस्स अद्धमंडलस्स अटठसत्तट्टिभागाइं,सत्तट्ठिभागं च एक्कतीपधा छेता अटठारस भागाइं जाई चंदे अप्पणो परस्स य चिण्णं पडियरइ, एयावया बाहिर चउत्थ पच्चत्थिमिल्ले अद्धमंडले समत्ते भवइ, एंव खलु चंदेण मासेणं चंदे तेरस चउप्पण्णगाई दुवे तेरसगाई जाई चंदे परस्स चिण्णं पडियरइ, तेरस तेरसंगाई जाइं चंदे अप्पणो चिण्णाइं पडियरइ, दुवे इगयालीसगाई दुवे तेरसगाई, अटठ सत्तट्टिभागाइं सत्तट्टिभागं च एक्कतीसधा छेत्ता अटठारसभागाइं जाइं चंदे अप्पणो परस्स य चिण्णं पडियरइ,. अवराई खलु दुवे तेरसगाई जाइं चंदे केणइ असामन्नगाई सयमेव पविट्टित्ता पविट्टिता चारं चरइ, इच्चेसो चंदमासो अभिगमण-णिक्खमण-वुड्डि-णिव्वुड्डि-अणवट्टिय-संठाणसंठिईविउव्वणगिड्डिपत्ते चंदे देवे चंदे देवे,आहिए त्ति वएज्जा।
܀܀
