________________
अष्टम प्राभृत ]
६५
उत्तर
र-दाहिणे णं अणंतर- पच्छाकड-काल- समयंसि हेमंताणं पढमे समए' पडिवज्जइ ।
जहा समओ तहा १. आवलिया, २. आणापाणू, ३. थोवे, ४. लवे, ५. मुहुत्ते, ६. अहोरत्ते, ७. पक्खे, ८. मासे, एए अट्ठ आलावगा, जहा हेमंताणं तहा भाणियव्वा ।
गिम्ह उउ
(क) ता जया णं जंबुद्दीवे दीवे मंदरस्स पव्वयस्स दाहिणड्ढे गिम्हाणं पढमे समए पडिवज्जइ, तया णं उत्तरड्ढेऽवि गिम्हाणं पढमे समए पडिवज्जइ ।
जया णं उत्तरड्ढे गिम्हाणं पढमे समए पडिवज्जइ, तया णं जंबुद्दीवे दीवे मंदरस्स पव्वयस्स पुरत्थिम-पच्चत्थिमे णं अनंतर पुरक्खड - काल - समयंसि गिम्हाणं पढमे समए पडिवज्जइ ।
(ख) ता जया णं जंबुद्दीवे दीवे मंदरस्स पव्वयस्स पुरत्थिमे णं गिम्हाणं पढमे समए पडिवज्जइ, तया णं पच्चत्थिमेऽवि गिम्हाणं पढमे समए पडिवज्जइ ।
जया णं पच्चत्थिमे णं गिम्हाणं पढमे समए पडिवज्जइ, तया णं जंबुद्दीवे दीवे मंदरस्स पव्वयस्स उत्तर-दांहिणे णं अणंतरपच्छाकय-काल- समयंसि गिम्हाणं पढमे समए पडिवज्जइ ।
जहा समओ तहा १. आवलिया, २. आणापाणू, ३. थोवे, ४. लवे, ५. मुहुत्ते, ६. अहोरत्ते, ७. पक्खे, ८. मासे, एए अट्ठ आलावगा, जहा गिम्हाणं तहा भाणियव्वा ।
अयणाइ
(क) ता जया णं जंबुद्दीवे दीवे मंदरस्स पव्वयस्स दाहिणड्ढे पढमे अयणे पडिवज्जइ, तया णं उत्तरड्ढेऽवि पढमे अयणे पडिवज्जइ ।
जया णं उत्तरड्ढे पढमे अयणे पडिवज्जइ, तया णं दाहिणड्ढेऽवि पढमे अयणे पडिवज्जइ । जया णं उत्तरड्ढे पढमे अयणे पडिवज्जइ, तया णं जंबुद्दीवे दीवे मंदरस्स पव्वयस्स पुरत्थिमपच्चत्थिमे णं अनंतर पुरक्खड - काल-समयंसि पढमे अयणे पडिवज्जइ ।
(ख) ता जया णं जंबुद्दीवे दीवे मंदरस्स पव्वयस्स पुरत्थिमे णं पढमे अयणे पडिवज्जइ, तया णं पच्चत्थिमेऽवि पढमे अयणे पडिवज्जइ ।
जया णं पच्चत्थिमे णं पढमे अयणे पडिवज्जइ, तया णं जंबुद्दीवे दीवे मंदरस्स पव्वयस्स उत्तरदाहिणे णं अणंतर- पच्छाकड-काल- समयंसि पढमे अयणे पडिवज्जइ ।
१,२.ऊपर सूत्र में 'पढमे समए' आठ स्थानों पर है उन स्थानों में नीचे लिखे आलापक कहें, और प्रत्येक आलापक के दो दो सूत्र ऊपर के समान कहें
-
१. पढमा आवलिया, २. पढमो आणापाणू, ३. पढम्रे थोवे, ४. पढमे लवे, ५. पढमे मुहुत्ते, ६. पढमे अहोरत्ते, ७. पढमे पक्खे, ८. पढमे मासे ।
३. जहाँ जहाँ पढमे अयणे है, वहाँ वहाँ दीच्चे अयणे कहें ।
