________________
तृतीय प्रतिपत्ति : बाहल्य आदि प्रतिपादन]
[१११ २०१.(ई) सोहम्मीसाणेसुणं भंते! कप्पेसु देवाणं के महालिया सरीरोगाहणा पण्णत्ता? गोयमा! दुविहा सरीरा पण्णत्ता, तं जहा-भवधारणिज्जा य उत्तरवेउव्विया य। तत्थ णं जे से भवधारणिज्जे से जहन्नेणं अंगुलस्स असंखेज्जइभागो, उक्कोसेणं सत्तरयणीओ। तत्थ णं जे से उत्तरवेउव्विए से जहन्नेणं अंगुलस्स संखेज्जइ भागो, उक्कोसेणं जोयणसयसहस्सं। एवं एक्के क्का ओसारेत्ताणं जाव अणुत्तराणं एक्का रयणी। गेवेज्जणुत्तराणं एगे भवधारणिज्जे सरीरे उत्तरवेउव्विया णत्थि।
सोहम्मीसाणेसु णं भंते! देवाणं सरीरगा किं संघयणी पण्णत्ता? गोयमा! छण्हं संघयणाणं असंघयणी पण्णत्ता। नेवट्ठि नेव छिरा णवि पहारू णेव संघयणमत्थि; जे पोग्गला इट्ठा कंता जाव एएसिं संघायत्ताए परिणमंति जाव अणुत्तरोववाइया।
सोहम्मीसाणेसु णं भंते! देवाणं सरीरगा किंसंठिया पण्णत्ता? गोयमा! दुविहा सरीरा, भवधारणिज्जा य उत्तरवेउव्विया य। तत्थ णं जे से भवधारणिज्जा ते समचउरंससंठाणसंठिया पण्णत्ता। तत्थ णं जे से उत्तरवेउव्विया ते णाणासंठाणसंठिया पण्णत्ता जाव अच्चुओ। अवेउव्विया गेवेज्जणुत्तरा भवधार णिज्जा समचउरंससंठाणसंठिया, उत्तरवेउव्विया णत्थि।
सोहम्मीसाणेसु देवा केरिसया वण्णेणं पण्णत्ता? गोयमा! कणगत्तयरत्ताभा वण्णेणं पण्णत्ता। सणंकुमारमाहिंदेसुणं पउमपम्हगोरा वण्णेणं पण्णत्ता। बंभलोए णं भंते! गोयमा! अल्लमधुगवण्णाभा।एवं जाव गेवेज्जा।अणुत्तरोववाइया परमसुक्किल्ला वण्णेणं पण्णत्ता।
सोहम्मीसाणेसु णं भंते! कप्पेसु देवाणं सरीरगा केरिसया गंधेणं पण्णत्ता? गोयमा! से जहाणामए कोट्ठपुडाण वा तहे व सव्वं मणामतरगा चेव गंधेणं पण्णत्ता। जाव अणुत्तरोववाइया।
सोहम्मीसाणेसु णं भंते! देवाणं सरीरगा केरिसया फासेणं पण्णत्ता? गोयमा! थिरमउयणिद्धसुकुमालछवि फासेणं पण्णत्ता, एवं जाव अणुत्तरोववाइया। ___सोहम्मीसाणदेवाणं केरिसया पोग्गला उस्सासत्ताए परिणमंति? गोयमा! जे पोग्गला इट्ठा कंता जाव एएसिं उस्सासत्ताए परिणमंति जाब अणुत्तरोववाइया; एवं आहारत्ताएवि जाव अणुत्तरोववाइया।
सोहम्मीसाणदेवाणं कइ ले स्साओ? गोयमा! एगा तेउले स्सा पण्णत्ता। सणंकुमारमाहिंदेसु एगा पम्हलेस्सा एवं बंभलोएवि पम्हा, सेसेसु एक्का सुक्कलेस्सा; अणुत्तरोववाइयाणं एक्का परमसुक्कलेस्सा। ___ सोहम्मीसाणदेवा किं सम्मद्दिट्ठी, सम्मामिच्छादिट्ठी? तिण्णिवि, जाव अंतिमगेवेज्जादेवा सम्मदिट्ठीवि मिच्छादिट्ठीवि सम्मामिच्छादिट्ठीवि। अणुत्तरोववाइया सम्मदिट्ठी, नो मिच्छादिट्ठी
