Page Text
________________
[जीवाजीवाभिगमसूत्र
धरणस्स णं भंते ! णागकुमारिंदस्स णागकुमाररन्नो अब्भितरियाए परिसाए कई देवसहस्सा पण्णत्ता ? जाव बाहिरियाए परिसाए कइ देवीसया पण्णत्ता ?
गोयमा ! धरणस्स णं णागकुमारिंदस्स नागकुमाररन्नो अब्भितरियाए परिसाए सट्ठि देवसहस्साइं मज्झिमियाए परिसाए सत्तरिं देवसहस्साइं बाहिरियाए असीति देवसहस्साइं अब्भितरपरिसाए पण्णसतरं देविसयं पण्णत्तं, मज्झिमियाए परिसाए पण्णासे देविसयं पण्णत्तं, बाहिरियाए परिसाए पणवीसं देविसयं पण्णत्तं ।
धरणस्स णं रन्नो अब्भितरियाए परिसाए देवाणं केवइयं कालं ठिती पण्णत्ता ? मज्झमिया परिसाए देवाणं केवइयं कालं ठिती पण्णत्ता ? बाहिरियाए परिसाए देवाणं केवइयं कालं ठिती पण्णत्ता ? अब्भितरियाए परिसाए देवीणं केवइयं कालं ठिती पण्णत्ता ? मज्झिमियाए परिसाए देवीणं केवइयं कालं ठिती पण्णत्ता ? बाहिरियाए परिसाए देवीणं केवइयं कालं ठि पण्णत्ता ?
३३४ ]
"
गोयमा ! धरणस्स णं रण्णो अब्भितरियाए परिसाए देवाणं सातिरेगं अद्धपलिओवमं ठिती पण्णत्ता, मज्झिमियाए परिसाए देवाणं अद्धपलिओवमं ठिती पण्णत्ता, बाहिरियाए परिसाए देवाणं देणं अद्धपलिओवमं ठिती पण्णत्ता, अब्भितरियाए परिसाए देवीणं देणं अद्धपलिओवमं ठिती पण्णत्ता, मज्झिमियाए परिसाए देवीणं सातिरेगं चउब्भागपलिओवमं ठिती पण्णत्ता, बाहिरिया परिसाए देवीणं चउब्भागपलिओवमं ठिती पण्णत्ता, अट्ठो जहा चमरस्स ।
कहि णं भंते ! उत्तरिल्लाणं णागकुमारणं ? जहा ठाणपदे जाव विहरति । भूयाणंदस्स णं भंते ! णागकुमारिंदस्स नागकुमाररण्णो अब्भितरियाए परिसाए कइ देवसाहस्सीओ पण्णत्ताओ ? मज्झिमियाए परिसाए कति देवसाहस्सीओ पण्णत्ताओ ? बाहिरियाए परिसाए कई देवसाहस्सीओ पण्णत्ताओ अब्भितरियाए परिसाए कई देविसया पण्णत्ता ? मज्झिमियाए परिसाए कई देविसया पण्णत्ता ? बहिरियाए परिसाए कइ देविसया पण्णत्ता ?
गोयमा ! भूयानंदस्स णं नागकुमारिंदस्स नागकुमाररन्नो अब्भितरियाए परिसाए पन्नासं देवसहस्सा पण्णत्ता । मज्झमियाए परिसाए सट्ठि देवसहस्सा पण्णत्ता, बाहिरियाए परिसाए सत्तरं देवसाहस्सीओ पण्णत्ताओ । अब्भितरियाए परिसाए दो पणवीसं देविसया णं पण्णत्ता, मज्झमिया परिसाए दो देविसया पण्णत्ता, बाहिरियाए परिसाए पण्णत्तरं देविसयं पण्णत्तं । भूयानंदस्स णं भंते ! नागकुमारिंदस्स नागकुमारण्णो अब्भितरियाए परिसाए देवाणं केवइयं कालं ठिती पण्णत्ता ? जाव बाहिरियाए परिसाए देवीणं केवइयं कालं ठिई पण्णत्ता । गोयमा ! भूयानंदस्स णं अब्भितरियाए परिसाए देवाणं देसूणं पलिओवमं ठिती पण्णत्ता, मज्झिमिया परिसाए देवाणं साइरेगं अद्धपलिओवमं ठिती पण्णत्ता, बाहिरियाए परिसाए देवाणं अद्धपलिओवमं ठिती पण्णत्ता, अब्भितरियाए परिसाए देवीणं अद्धपलिओवमं ठिती पण्णत्ता, मज्झमिया परिसाए देवीणं देसूणं अद्धपलिओवमं ठिती पण्णत्ता, बाहिरियाए परिसाए देवीणं साइरेगं चउब्भागपलिओवमं ठिती पण्णत्ता । अत्थो जहा चमरस्स । अवसेसाणं वेणुदेवादीणं
| SR No. | 003454 |
| Book Title | Agam 14 Upang 03 Jivabhigam Sutra Part 01 Stahanakvasi |
| Original Sutra Author | N/A |
| Author | Madhukarmuni, Rajendramuni, Shobhachad Bharilla |
| Publisher | Agam Prakashan Samiti |
| Publication Year | 1989 |
| Total Pages | 498 |
| Language | Hindi |
| Classification | Book_Devnagari, Agam, Canon, Metaphysics, & agam_jivajivabhigam |
| File Size | 11 MB |