________________
३२०]
[जीवाजीवाभिगमसूत्र
जोयणसयाइं ओगाहित्ता एत्थ णं दाहिणिल्लाणं हयकण्णमणुस्साणं हयकण्णदीवे णामं दीवे पण्णत्ते, चत्तारि जोयणसयाई आयामविक्खंभेणं बारस जोयणसया पन्नट्ठी किंचिविसेसूणा परिक्खेवेणं। से णं एगाए पउमवरवेदियाए अवसेसं जहा एगोरुयाणं।
कहिं णं भंते ! दाहिणिल्लाणं गजकण्णमणुस्साणं पुच्छा।
गोयमा ! आभासियदीवस्स दाहिणपुरथिमिल्लाओ चरिमंताओ लवणसमुदं चत्तारि जोयणसयाई सेसं जहा हयकण्णाणं। ..
एवं गोकण्णमणुस्साणं पुच्छा?
वेसाणियदीवस्स दाहिणपच्चत्थिमिल्लाओ चरिमंताओ लवणसमुहं चत्तारि जोयणसयाई सेसं जहा हयकण्णाणं।
सक्कुलिकण्णाणं पुच्छा ?
गोयमा ! णंगोलियदीवस्स उत्तरपच्चस्थिमिल्लाओ चरिमंताओ लवणसमुदं चत्तारिजोयणसयाई सेसं जहा हयकण्णाणं।
आयंसमुहाणं पुच्छा?
हयकण्णदीवस्स उत्तरपुरच्छिमिल्लाओ चरिमंताओ पंच जोयणसयाइं ओगाहित्ता एत्थ णं दाहिणिल्लाणं आयंसमुहमणुस्साणं आयंसमुहदीवे णामं दीवे पण्णत्ते। पंचजोयणसयाई आयामविक्खंभेणं; आसमुहाईणं छसया आसकन्नाईणं सत्त, उक्कामुहाईणं अट्ठ, घणदंताईणं जाव नव जोयणसयाई
एगोरुय परिक्खेवो नव चेव सयाई अउणपन्नाई।
बारसपन्नट्ठाइं हयकण्णाईणं परिक्खेवो॥१॥ आयंसमुहाईणं पन्नरसेकासीए जोयणसए किंचि विसेसाहिए परिक्खेवेणं; एवं एएण कमेण उवउज्जिउणणेयव्वा चत्तारि चत्तारि एग पमाणा। णाणत्तं ओगाहे विक्खंभे परिक्खेवे पढम-बीय-तइय-चउक्काणं उग्गहो विक्खंभो परिक्खेवो भणिओ। चउत्थ चउक्के छजोयणसयाई आयाम-विक्खंभेणं अट्ठारससत्ताणउए जोयणसए परिक्खवेणं।पंचम चउक्के सत्तजोयणसयाइं आयाम-विक्खंभेणं बावीसं तेरसोत्तरे जोयणसए परिक्खेवेणं। छट्ट चउक्के अट्ठजोयणसयाइं आयाम-विक्खंभेणं पणुवीसं एगुणतीस जोयणसए परिक्खेवेणं।सत्तम चउक्के नवजोयणसयाइं आयाम-विक्खंभेणं दो जोयणसहस्साइं अट्ठपणयाले जोयणसए परिक्खेवेणं।
जस्स य जो विक्खंभो उग्गहो तस्स तत्तिओ चेव।
पढमाइयाण परिरओ जाव सेसाण अहिओ उ ॥२॥ सेसा जहा एगोरुयदीवस्स जाव सुद्धदंतदीवे देवलोकपरिग्गहाणं ते मणुयगणा पण्णत्ता समणाउसो!
कहिं णं भंते ! उत्तरिल्लाणं एगोरुयमणुस्साणं एगोरुयदीवे णामं दीवे पण्णत्ते ? गोयमा ! जंबुद्दीवे दीवे मंदरस्स पव्ययस्स उत्तरेणं सिहरिस्स वासधरपव्वयस्स
