________________
३१२]
[जीवाजीवाभिगमसूत्र
हंता अस्थि । नो चेव णं तेसिं मणुयाणं परिभोगत्ताए हव्वमागच्छंति।
अस्थि णं भंते ! एगोरुयदीवे दीवे गत्ताइ वा दरीइ वा घंसाइ वा भिगू इ वा उवाए इ वा विसमे इ वा, विज्जले इ वा धूली इ वा रेणू इ वा पंके इ वा चलणी इ वा?
णो तिणढे समढे। एगोरुय दीवेणं दीवे बहुसमरमणिजे भूमिभागे पण्णत्ते समणाउसो!
अस्थि णं भंते ! एगोरुय दीवे-दीवे खाणूइ वा कंटएइ वा हीरएइ वा सक्कराइ वा तणकयवराइ वा पत्तकयवरा इ वा असुईइ वा पूतियाइ वा दुब्भिगंधाइ वा अचोक्खाइ वा ? _ णो तिणटेसमटे।ववगयकाणुकंटकहीरसक्करतणकयवरपत्तकयवरअसुइपूइदुब्भिगंधमचोक्खे णं एगोरुयदीवे पण्णत्ते समणाउसो!
अस्थि णंभंते ! एगोरुय दीवे दीवे दंसाइ वा मसगाइ वा पिसुयाइ वा जूयाइ वा लिक्खाइ वा ढंकुणाइ वा?
णो तिणढे समढे। ववगयदंसमसगपिसुयजूयलिक्खढंकुणे णं एगोरुय दीवे पण्णत्ते समणाउसो।
अस्थि णं भंते ! एगोरुयदीवे दीवे अहीइ वा, अयगराइ वा महोरगाइ वा?
हंता अत्थि । णो चेव णं ते अन्नमन्नस्स तेसिंवा मणुयाणं किंचि आबाहं वा पबाहं वा छविच्छेयं वा करेंति। पगइभद्दगा णं ते वालग्गगणा पण्णत्ता समणाउसो !
अत्थि णं भंते ! एगोरुयदीवे गहदंडाइ वा गहमुसलाइ वा गहगज्जियाइ वा गहजुद्धाइ वा गहसंघाडगाइ वा गहअवसव्वाइ वा अब्भाइ वा अब्भरुक्खाइ वा संझाइ वा गंधव्वणगराइ वा गज्जियाइ वा विज्जुयाइ वा उक्कापाताइ वा दिसादाहाइ वा निग्यायाइ वा पंसुविट्ठीइ वा जुवगाइ वा जक्खालित्ताइ वा धूमियाइ वा महियाइ वा रउग्घायाइ वा चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूडू वा उदगमच्छाइ वा अमोहाइ वा कविहसियाइ वा पाईणवायाइ वा पडीणवायाइ वा जाव सुद्धवायाइ वा गामदाहाइ वा नगरदाहाइ वा जाव सण्णिवेसदाहाइ वा पाणक्खय-जणक्खय-कुलक्खय-धणवखयवसण-भूयमणारियाइ वा ?
णो तिणटे समढे।
अत्थि णं भंते ! एगोरुयदीवे दीवे डिंबाइ वा डमराइ वा कलहाइ वा बोलाइ वा खाराइ वा वेराइ वा विरुद्धरज्जाइ वा ?
णोतिणटेसमटे ।ववगयडिंबडमरकलहबोलखारवेरविरुद्धरजाणं ते मणुयगया पण्णत्ता समणाउसो!
अस्थि भंते ! एगोरुयदीवेणं दीवे महाजुद्धाइ वा महासंगामाइ वा महासत्थनिवयणाइ वा महापुरिसवाणा इवा महारुधिरवाणा इ वा नागवाणा इवा खेवाणा इवा तामसवाणाइ वा?
नो इणटे समटे ववगयवेराणुबंधा णं ते मणुया पण्णत्ता समणाउसो ! अत्थि णं भंते !