________________
१७४ ]
[जीवाजीवाभिगमसूत्र
य कयरे कयरेहितो अप्पा वा बहुआ वा तुल्ला व विसेसाहिया वा ?
गोयमा ! सव्वत्थोवा मणुस्सणपुंसका, नेरइयणपुंसगा असंखेजगुणा,तिरिक्खजोणियनपुंसका अणंतगुणा।
[२] एतेसिंणं भंते ! रयणप्पहापुढविणेरइयणपुंसकाणं जाव अहेसत्तमपुढविणेरइय णपुंसकाण य कयरे कयरेहितो जाव विसेसाहिया वा ?
गोयमा ! सव्वत्थोवा अहेसत्तमपुढवि-नेरइय णपुंसका, छट्ठपुढवि णेरइय नपुंसका असंखेज्जगुणा जाव दोच्चपुढविणेरइयणपुंसका असंखेज्जगुणा। इमीसे रयणप्पहाए पुढवीए णेरइयणपुंसका असंखेजगुणा।
[३]एतेसिंणंभंते ! तिरिक्खजोणियणपुंसकाणं, एगिंदिय तिरिक्खजोणियणपुंसकाणं, पुढविकाइय जाव वणस्सइकाइय एगिदिय तिरिक्खजोणिय णपुंसगाणं, बेइंदिय-तेइंदियचउरिंदिय-पंचेंदिय तिरिक्खजोणिय णपुंसकाणं जलयराणं थलयराणं खहयराण य कयरे कयरेहिंतो जाव विसेसाहिया वा?
गोयमा ! सव्वत्थोवा खहयरतिरिक्खजोणियणपुंसगा, थलयर तिरिक्खजोणिय नपुंसका संखेज्जगुणा, जलयर तिरिक्खजोणिय नपुंसका संखेज्जगुणा, चरिंदय तिरिक्खजोणिय नपुंसका विसेसाहिया, तेइंदिय तिरिक्खजोणिय नपुंसका विसेसाहिया, बेइंदिय तिरिक्खजोणिय नपुंसका विसेसाहिया, तेउक्काइय एगिंदिय तिरिक्खजोणिय नपुंसका असंखेज्जगुणा, पुढविक्काइय एगिंदिय तिरिक्खजोणिय नपुंसका विसेसाहिया, एवं आउ-वाउ-वणस्सइकाइय एगिंदिय तिरिक्खजोणिय नपुंसका अणंतगुणा।
[४]एतेसिंणं भंते ! मणुस्सणपुंसकाणं, कम्मभूमगणपुंसकाणं अकमभूमगणपुंसकाणं अंतरदीवगणपुंसकाण य कयरे कयरेहितो अप्पा वा जाव विसेसाहिया वा ?
गोयमा ! सव्वत्थोवा अंतरदीवग अकम्मभूमग मणुस्स णपुंसका, .
देवकुरु-उत्तरकुरु अकम्मभूमगा दोवि संखेज्जगुणा एवं जाव पुव्वविदेह-अवरविदेह कम्मभूमगमणुस्स नपुंसका दो वि संखेज्जगुणा।
५] एतेसिं णं भंते ! णेरइय णपुंसकाणं, रयणप्पभापुढवि नेरइय नपुंसकाणं जाव अधेसत्तमपुढविणेरइयणपुंसकाणं, तिरिक्खजोणिय नपुंसकाणं, एगिंदिय-तिरिक्खजोणियाणं
