________________
८२]
[जीवाजीवाभिगमसूत्र
स्थलचरों का वर्णन
३६. से किं तं थलयर-समुच्छिमपंचेंदिय-तिरिक्खजोणिया? थलयर संमु. दुविहा पण्णत्ता, तं जहाचउप्पय थल, परिसप्प सम्म० पंचें तिरिक्खजोणिया। से किं तं थलयर चउप्पय सम्मुच्छिम पंचें तिरिक्खजोणिया ? थलयर चउप्पय चउविहा पण्णत्ता, तं जहा
एगखुरा, दुखुरा, गंडीपया, सणप्फया।जावजे यावण्णे तहप्पगारा ते समासओ दुविहा पण्णत्ता, तं जहा-पज्जत्ता य अपज्जत्ता य।।
तओ सरीरा, ओगाहणा जहण्णेणं अंगुलस्स असंखेजइभागं उक्कोसेणं गाउयपुहुत्तं।
ठिई जहण्णेणं अंतोमुहत्तं उक्कोसेणं चउरासिइवाससहस्साइं। सेसंजहाजलयराणंजाव चउगतिया दो आगतिया परित्ता असंखेजा पण्णत्ता। से त्तं थलयर चउप्पयः।
से किं तं थलयर परिसप्प संमुच्छिमा? । थलयर परिसप्प संमुच्छिमा दुविहा पण्णत्ता, तं जहाउरग परिसप्प संमुच्छिमा,भुयग परिसप्प समुच्छिमा। से किं तं उरग परिसप्प संमुच्छिमा ? उरग परि० सं० चउव्विहा पण्णत्ता, तं जहाअही अयगरा आसालिया महोरगा। से किं तं अही? अही दुविहा पण्णत्ता, तं जहादव्वीकरा, मउलिणो य। से किं तं दव्वीकरा। दव्वीकरा अणेगविहा पण्णत्ता, तं जहाआसीविसा जाव से तं दव्वीकरा। से किं तं मउलिणो? मउलिणो अणेगविहा पण्णत्ता, तं जहादिव्वा, गोणसा जाव से तं मउलिणो। से तं अही। से किं तं अयगरा ? अयगरा एगागारा पण्णत्ता। से तं अयगरा । से किं तं आसालिया। आसालिया जहा पण्णवणाए। से तं आसालिया। से किं तं महोरगा?
