Page Text
________________
तृतीय वर्ग]
[६५ जएणं विजएणं वद्धावित्ता एवं वयासी-भण जाया! किं देमो, किं पयच्छामो, किणा वा ते अट्ठो?
तए णं से गयसुकुमाले कुमारे अम्मापियरो एवं वयासी-इच्छामि णं अम्मयाओ कुत्तियावणाओ रयहरणं च पडिग्गहं च आणिउं कासवगं च सद्दाविउं। णिक्खमणं जहा महब्बलस्स।
___ तए णं गयसुकुमालस्स कुमारस्स अम्मापियरो कोडुंबियपुरिसे सद्दावेंति, सद्दावित्ता एवं वयासी-खिप्पामेव भो देवाणुप्पिया! सिरिघराओ तिणि सयसहस्साइं गहाय दोहिं सयसहस्सेहिं रयहरणं पडिग्गहं च उवणेह, सयसहस्सेण कासवगं सद्दावेह। तए णं ते कोडुंबियपुरिसा गयसुकुमालस्स कुमारस्स पिउणा एवं वुत्ता समाणा हट्ठतुट्ठ करयल जाव पडिसुणेत्ता खिप्पामेव सिरिघराओ तिण्णि सयसहस्साई, तहेव जाव कासवगं सद्दावेंति। तए णं से कासवए गयकुमारस्स पिउणा कोडुंबिय पुरिसेहिं सद्दाविए समाणे हट्ठतुढे पहाए कयबलिकम्मे जाव उवागच्छइ, उवागच्छित्ता करयल० गयसुकुमालस्स कुमारस्स पियरं जएणं विजएणं वद्धावेइ, वद्धावित्ता एवं वयासी-संदिसंतु णं देवाणुप्पिय! जं मए करणिज्जं? तए णं से गयसुकुमालस्स पिया तं कासवगं एवं वयासी-तुमं देवाणुप्पिया! गयसुकुमालस्स कुमारस्स परेणं जत्तेणं चउरंगुलवज्जे णिक्खमणपाओग्गे अग्गकेसे कप्पेहि। तए णं से कासवे एवं वुत्ते समाणे हट्टतुट्ठ करयल जाव एवं सामी! तहत्ति आणाए विणएणं वयणं पडिसुणेइ, पडिसुणित्ता सुरभिणा गंधोदएणं हत्थपाए पक्खालेइ, पक्खालित्ता सुद्धाए अट्ठ पडलाए पोत्तीए मुहं बंधइ, मुहं बंधित्ता गयसुकुमालस्स कुमारस्स परेणं जत्तेणं चउरंगुलवज्जे णिक्खमणपाओग्गे अग्गकेसे कप्पेइ।
____तए णं सा गयसुकुमालस्स कुमारस्स माया देवई देवी हंसलक्खणेणं पडसाडएणं अग्गकेसे पडिच्छइ, अग्गकेसे पडिच्छित्ता सुरभिणा गंधोदएणं पक्खालेइ, सुरभिणा गंधोदएणं पक्खालित्ता अग्गेहिं वरेहिं गंधेहिं, मल्लेहिं अच्चेइ, अग्गेहिं वरेहिं गंधेहिं, मल्लेहिं अच्चित्ता सुद्धे वत्थे बंधइ, सुद्धे वत्थे बंधित्ता रयणकरंडगंसि पक्खिवइ, पक्खिवित्ता हार-वारिधारसिंदुवार-छिण्णमुत्तावलिप्पगासाइं सुयवियोग-दूसहाई अंसूई विणिम्मुयमाणी विणिम्मुयमाणी एवं वयासी-एस णं अम्हं गयसुकुमालस्स कुमारस्स बहुसु तिहीसु य पव्वणीसु य उस्सवेसु य जण्णेसु य छणेसु य अपच्छिमे दरिसणे भविस्सइ इत्ति कट्ठ ऊसीसगमूले ठवेइ।]
तए णं तस्स गयसुकुमालस्स अम्मापियरो दोच्चं पि उत्तरावक्कमणं सीहासणं रयाति, दोच्चं पि उत्तरावक्कमणं सीहासणं रयावित्ता गयसुकुमालस्स कुमारस्स सेयापीयएहिं कलसेहिं ण्हावेंति सेया०ण्हावित्ता पम्हलसुकुमालाए सुरभीए गंधकासाईए गायाइं लूहेंति, लूहित्ता सरसेणं गोसीसचंदणेणं गायाई अणुलिंपंति अणुलिंपित्ता णासाणिस्सासवायवोज्झं, चक्खुहरं, वण्णफरिसजुत्तं, हयलालापेलवाऽइरेगं, धवलं, कणगखचितंतकम्मं, महरिहं, हंसलक्खणपडसाडगं परिहिंति, परिहित्ता हारं पिणद्धति, पिणद्धित्ता अद्धहारं पिणद्धति, पिणद्धित्ता एवं जहा सूरियाभस्स अलंकारो तहेव जाव चित्तं रयणसंकदुक्कडं मउडं पिणिद्धति; किं बहुणा? गंथिम-वेढिमपूरिम संघाइमेणं चउव्विहेणं मल्लेणं कप्परुक्खगं पिव अलंकिय-विभूसियं करेंति।
२. महाबल के वर्णन में इस पाठ हेतु-"किं पयच्छामो, सेसं जहा जमालिस्स तहेव जाव तएणं"-दिया है। अतः प्रस्तुत
जाव का पूरक पाठ महाबल, जमालि आदि के वर्णनों के आधार पर यथावश्यक रूप से गुंफित किया है।
| SR No. | 003448 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari, Agam, Canon, & agam_antkrutdasha |
| File Size | 16 MB |