________________
सातवां अध्ययन : सकडालपुत्र ]
भगवं महावीरे महामाहणे ।
सेकेणट्ठेणं, देवाणुप्पिया! एवं वुच्चइ समणे भगवं महावीरे महामाहणे ?
एवं खलु, सद्दालपुत्ता ! समणे भगवं महावीरे महामाहणे उप्पन्न - णाण- दंसणधरे जाव' महिय-पूइए जाव' तच्च - कम्म- संपया - संपउत्ते । से तेणट्ठेणं देवाणुप्पिया! एवं वुच्चइ समणे भगवं महावीरे महामाहणे ।
आगए णं देवाणुप्पिया ! इहं महागोवे ? के णं, देवाणुप्पिया ! महागोवे ?
समणे भगवं महावीरेमहागोवे ।
सेकेणट्ठेणं, देवाणुप्पिया ! जाव ( एवं वुच्चइ - समणे भगवं महावीरे ) महागोवे ।
एवं खलु, देवाणुप्पिया ! समणे भगवं महावीरे संसाराडवीए बहवे जीवे नस्समाणे, विणस्समाणे, खज्जमाणे, छिज्जमाणे, भिज्जमाणे, लुप्पमाणे, विलुप्पमाणे, धम्ममएणं दंडेणं सारक्खमाणे, संगोवेमाणे, निव्वाण - महावाडं साहत्थिं संपावेइ। से तेणट्ठेणं, सद्दालपुत्ता! एवं वुच्चइ समणे भगवं महावीरे महागोवे ।
आगए णं, देवाणुप्पिया ! इहं महासत्थवाहे?
के णं, देवाणुप्पिया! महासत्थवाहे ?
सद्दालपुत्ता! समणे भगवं महावीरे महासत्थवाहे ।
सेकेणट्ठेणं?
[ १७१
एवं खलु देवाणुप्पिया ! समणे भगवं महावीरे संसाराडवीए बहवे जीवे नस्समाणे, विणस्समाणे, जाव (खज्जमाणे, छिज्जमाणे, भिज्जमाणे, लुप्पमाणे ) विलुप्पमाणे धम्ममएणं पंथेणं सारक्खमाणे निव्वाण - महापट्टणाभिमुहे साहत्थिं संपावेइ । से तेणट्ठेणं, सद्दालपुत्ता ! एवं वुच्चइ समणे भगवं महावीरे महासत्थवाहे ।
आगए णं, देवाणुप्पिया! इहं महाधम्मकही!
के णं, देवाणुप्पिया!. महाधम्मकही ?
समणे भगवं महावीरे महाधम्मकही ।
सेकेणट्ठेणं समणे भगवं महावीरे महाधम्मकही ?
१. देखें सूत्र - संख्या १८८ ।
२.
देखें सूत्र - संख्या १८८ ।
