Page Text
________________
अट्ठमो उद्देसो : सभा
अष्टम उद्देशक : सभा असुरकुमार राजा चमरेन्द्र की सुधर्मासभा आदि का वर्णन
१. कहि णं णं भंते! चमरस्स असुररण्णो सभा सुहम्मा पण्णत्ता?
गोयमा! जंबुद्दीवे दीवे मंदरस्स पव्वयस्स दाहिणेणं तिरियमसंखेज्जे दीव-समुद्दे वीईवइत्ता अरुणवरस्स दीवस्स बाहिरिल्लातो वेइयंतातो अरुणोदयं समुदं बायालीसं जोयणसहस्साई ओगाहित्ता एत्थ णं चमरस्स असुररण्णो तिगिंछिकूडे नाम उप्पायपव्वते पण्णत्ते, सत्तरसएक्कवीसे जोयणसते उड्डे उच्चत्तेणं, चत्तारितीसे जोयणसते कोसं च उव्वेहेणं; गोत्थुभस्स आवासपव्वयस्स पमाणेणं नेयव्वं, नवरं उवरिल्लं पमाणं मज्झे भाणियव्वं [मूले दसबावीसे जोयणसते विक्खंभेणं, मज्झे चत्तारि चउवीसे जोयणसते विक्खंभेणं, उवरि सत्ततेवीसे जोयणसते विक्खंभेणं; मूले तिण्णि जोयणसहस्साइं दोण्णि य बत्तीसुत्तरे जोयणसए किंचिविसेसूणे परिक्खेवेणं, मज्झे एगं जोयणसहस्सं तिण्णि य इगुयाले जोयणसए किंचिविसेसूणे परिक्खेवेणं उवरि दोण्णि य जोयणसहस्साहं दोण्णि य छलसीए जोयणसए किंचिविसेसाहिए परिक्खेवेणं ]; जाव मूले वित्थडे, मझे संखित्ते, उप्पि विसाले। मझे वरवइरविग्गहिए महामउंदसंठाणसंठिए सव्वरयणामए अच्छे जाव पडिरूवे।]
से णं एगाए पउमवरवेइयाए एगेणं वणसंडेण य सव्वतो समंता संपरिक्खित्ते। पउमवरवेइयाए वणसंडस्स य वण्णओ।
तस्स णं तिगिंछिकूडस्स उप्पायपव्वयस्स उप्पिं बहुसमरमणिज्जे भूमिभागे पण्णत्ते। वण्णओ। तस्स णं बहुसमरमणिज्जस्स भूमिभागस्स बहुमज्झदेसभागे। एत्थ णं महं एगे पासायवडिंसए पण्णत्ते। अड्डाइज्जाइं जोयणसयाई उड्ढे उच्चत्तेणं, पणवीसं जोयणसयं विक्खंभेणं। पासायवण्णओ। उल्लोयभूमिवण्णओ। अट्ठ जोयणाई मणिपेढिया। चमरस्स सीहासणं सपरिवारं भाणियव्वं।
तस्स णं तिगिछिकूडस्स दाहिणेणं छक्कोडिसए पणपन्नं च कोडीओ पणतीसं च सतसहस्साई पण्णासं च सहस्साई अरुणोदए समुद्दे तिरियं वीइवइत्ता, अहे य रयणप्पभाए पुढवीए चत्तालीसं जोयणसहस्साई ओगाहित्ता एत्थ णं चमरस्स असुरिंदस्स असुररण्णो चमरचंचा नामं रायहाणी पण्णत्ता, एगं जोयणसतसहस्सं आयाम-विक्खंभेणं जंबुद्दीवपमाणा। [पागारो दिवढं जोयणसयं उड्ढे उच्चत्तेणं, मूले पन्नासं जोयणाई विक्खंभेणं, उवरिं अद्धतेरसजोयणा कविसीसगा अद्धजोयणआयाम कोसं विक्खंभेणं देसूणं अद्धजोयणं उड्ढे उच्चत्तेणं एपमेगाए बाहाए पंच पंच दारसया, अड्ढाइज्जाइं जोयणसयाइं–२५०. उड्ढे उच्चत्तेणं, अद्धं–१२५ विक्खंभेणं।] ओवारियलेणं सोलस जोयणसहस्साई आयाम१. यह पाठ हमारी मूल प्रति में नहीं है, अन्य प्रतियों में है, अत: इसे कोष्ठक में दिया गया है। —सम्पादक
| SR No. | 003442 |
| Book Title | Agam 05 Ang 05 Bhagvati Vyakhya Prajnapati Sutra Part 01 Stahanakvasi |
| Original Sutra Author | N/A |
| Author | Madhukarmuni |
| Publisher | Agam Prakashan Samiti |
| Publication Year | 1982 |
| Total Pages | 569 |
| Language | Prakrit, Hindi |
| Classification | Book_Devnagari, Agam, Canon, Metaphysics, & agam_bhagwati |
| File Size | 12 MB |