Page Text
________________
त्रयस्त्रिंशत्स्थानक-समवाय]
[९७ पुव्वामेव सेहतराए आलोएति पच्च्छा रायणिए, आसायणा सेहस्स।। १२. सेहे रायणियस्स रातो वा वियाले वा वाहरमाणस्स अज्जो! के सुत्ते! के जागरे! तत्थ
सेहे जागरमाणे रायणियस्स अपडिसुणेत्ता भवति, आसायणा सेहस्स। १३. केइ रायणियस्स पुव्वं संलवित्तए सिया, तं सेहे पुव्वतरागं आलवेति पच्छा रायणिए,
आयासयणा सेहस्स। सेहे असणं वा पाणं वा खाइमं वा साइमं वा पडिगाहेत्ता तं पुव्वमेव सेहतरागस्स
आलोएइ, पच्छा रायणियस्स, आसायणा सेहस्स। १५. सेहे असणं वा पाणं वा खाइमं वा साइमं वा पडिगाहेत्ता तं पुव्वमेव सेहतरागस्स
उवदंसेति, पच्छा रायणियस्स, आसायणा सेहस्स। १६. सेहे असणं वा पाणं वा खाइमं वा साइमं वा पडिगाहेत्ता तं पुव्वामेव सेहतरागं
उवणिमंतेड. पच्छा रायणियं, आसायणा सेहस्स। १७. सेहे रायणिएणं सद्धिं असणं वा पाणं वा खाइमं वा साइमं वा पडिगाहेत्ता तं रायणियं
अणापुच्छित्ता जस्स-जस्स इच्छइ तस्स-तस्स खद्धं-खद्धंदलयइ, आसायणा सेहस्स। १८. सेहे असणं वा पाणं वा खाइमं वा साइमं वा पडिगाहेत्ता रायणिएणं सद्धिं आहरेमाणे
तत्थ सेहे खद्धं-खद्धं डायं-डायं ऊसढं-ऊसढं रसितं-रसितं मणुण्णं-मणुण्णं मणाम
मणामं निद्धं-निद्धं लुक्खं-लुक्खं आहरेत्ता भवइ, आसायणा सेहस्स। १९. सेहे रायणियस्स वाहरमाणस्स अपडिसुणेत्ता भवइ, आसायणा सेहस्स। २०. सेहे रायणियस्स खद्धं-खद्धं वत्ता भवइ, आसायणा सेहस्स। २१. सेहे रायणियस्स 'किं' ति वइत्ता भवइ, आसायणा सेहस्स। २२. सेहे रायणियं 'तुमं' ति वइत्ता भवइ, आसायणा सेहस्स। २३. सेहे रायणियं तज्जाएण-तज्जाएण पडिभणित्ता भवइ, आसायणा सेहस्स। २४. सेहे रायणियस्स कहं कहेमाणस्स'इति एवं' ति वत्ता न भवति, आसायणा सेहस्स। २५. सेहे रायणियस्स कहं कहेमाणस्स'नो तुमरती'ति वत्ता न भवति, आसायणा सेहस्स। २६. सेहे रायणियस्स कहं कहेमाणस्स कहं अच्छिदित्ता भवति, आसायणा सेहस्स। २७. सेहे रायणियस्स कहं कहेमाणस्स परिसं भेत्ता भवइ, आसायणा सेहस्स। २८. सेहे रायणियस्स कहं कहेमाणस्स तीसे परिसाए अणुट्ठिताए अभिन्नाए अवुच्छिन्नाए
अव्वोगडाए दोच्चं पि तमेव कहं कहित्ता भवति, आसायणा सेहस्स। २९. सेहे रायणियस्स सेज्जा-संथारगं पाएणं संघट्टित्ता, हत्थेणं अणणुण्णवित्ता गच्छति,
आसायणा सेहस्स। ३०. सेहे रायणियस्स सेज्जा-संथारए चिट्ठित्ता वा निसीइता वा तुयट्टित्ता वा भवइ,
आसायणा सेहस्स। ३१. सेहे रायणियस्स उच्चासणे चिट्ठित्ता वा निसीइत्ता वा तुयट्टित्ता वा भवति, आसायणा
सेहस्स। ३२. सेहे रायणियस्स समासणे चिट्ठित्ता वा निसीइत्ता वा तुयट्टित्ता वा भवति, आसायणा सेहस्स।
| SR No. | 003441 |
| Book Title | Agam 04 Ang 04 Samvayanga Sutra Stahanakvasi |
| Original Sutra Author | N/A |
| Author | Madhukarmuni, Hiralal Shastri |
| Publisher | Agam Prakashan Samiti |
| Publication Year | 1991 |
| Total Pages | 379 |
| Language | Prakrit, Hindi |
| Classification | Book_Devnagari, Agam, Canon, Metaphysics, & agam_samvayang |
| File Size | 24 MB |