________________
८६]
[समवायाङ्गसूत्र
अकुमारभूए जे केई कुमारभूए त्ति हं वए । इत्थीहिं गिद्दे वसए महामोहं पकुव्वइ ॥१२॥ अबभंयारी जे केई बंभयारि त्ति हं वए । गदहे व्व गवां मझे विस्सरं नयई नदं ॥१३॥ अप्पणो अहिए बाले मायामोसं बह भसे । इत्थीविसयगेहीए महामोहं पकुव्वइ ॥१४॥१२॥ जं निस्सिए उव्वहइ जससाहिगमेण वा । तस्स लुब्भइ वित्तम्मि महामोहं पकुव्वइ ॥१५॥१३॥ ईसरेण अदुवा गामेणं अणिसरे ईसरीकए । तस्स संपयहीणस्स सिरी अतुलमागया ॥१६॥ इंसादोसेण आविट्ठे कलुसाविलचेयसे । जे अंतरायं चेएइ महामोहं पकुव्वइ ॥१७॥१४॥ सप्पी जहा अंडउडं भत्तारं जो विहिंसइ । सेणावइं पसत्थारं महामोहं पकुव्वइ ॥१८॥१५॥ जे नायगं च रट्ठस्स नेयारं निगमस्स वा । सेटिंठ बहुरवं हंता महामोहं पकुव्वइ ॥१९॥१६॥ बहुजणस्स णेयारं दीवं ताणं च पाणिणं । एयारिसं नरं हंता महामोहं पकुव्वइ ॥२०॥१७॥ उवट्ठियं पडिविरयं संजयं सुतवस्सियं । बुक्कम्म धम्माओ भंसेइ महामोहं पकुव्वइ ॥२१॥१८॥ तहेवाणतणाणीणं जिणाणं वरदंसिणं । तेसिं अवण्णवं बाले महामोहं पकुव्वई ॥२२॥१९॥ नेयाउअस्स मग्गस्स दुढे अवयरई बहुं । तं तिप्पयंतो भावइ महामोहं पकुव्वइ ॥२३॥२०॥ आयरिय-उवज्झाएहिं सुयं विणयं च गाहिए । ते चेव खिंसई बाले महामोहं पकुव्वइ ॥२४॥२९ आयरिय-उवज्झायाणं सम्मं नो पडितप्पइ । अप्पडिपूयए थधे महामोहं पकुवइ ॥२५॥२२॥ अबहुस्सुए य जे केई सुएणं पविकत्थई । सज्झायवायं वयइ महामोहं पकुव्वड ॥२६॥२३॥ अतवस्सीए य जे केई तवेण पविकत्थइ । सव्वलोयपरे तेणे महामोहं पकुव्वइ ॥२७॥२४॥ साहारणट्ठा जे केई गिलाणम्मि उवट्ठिए । पभू णं कुणई किच्चं मझं पि से न कुव्वइ ॥२८॥ सढे नियडीपण्णाणे कलुसाउलचेयसे ।
