________________
द्रौपदीखयंवरम् ।
२३ द्रुपदः-अहो ! गुणानुरागिणी वत्सा । ( पाञ्चाली अर्जुनस्य कण्ठे स्वयंवरमालां निवेशयति । ) अर्जुनः-(स्वगतम् )
स्वीकृतेऽस्मिन्दृशाप्यङ्गे ताराभृङ्गावलीया ।
पुनरुक्तां निधत्तेऽसौ स्वयंवरणमालिकाम् ॥ ७ ॥ कृष्ण:
निवेशयन्ती कण्ठेऽस्य स्वयंवरणमालिकाम् ।
इयं पूजयतीवासौ वीरोत्तंसस्य वेदिका ॥ ८ ॥ ( आकाशे देवा दुन्दुभिवादनपूर्वकं कुसुमवृष्टिं कुर्वन्ति ।) कृष्ण:
राधावेधगुणेनैव क्रीता कृष्णा किरीटिना।
अयं स्वयंवरोऽमुष्याश्चक्रे रागपरीक्षणम् ॥ ९॥ (द्रुपदं प्रति ) किं ते भूयः प्रियमुपकरोमि । द्रुपदः-समुचितजामातृलाभात्किमपरमपि मे प्रियमस्ति ! । तत्सर्वथा सम्पूर्णा मे मनोरथाः । कृष्णः-तथापीदमस्तु-~आनन्दवैभवभृतो भुवि सन्तु सन्तो
नाशं निराशमनसा पिशुनाः प्रयान्तु । केलिं कलेर्मुकुलयन् सकला जयश्रीः । सौभाग्यभङ्गमभितो भवतां च धर्मः ॥ १० ॥
( इति निष्क्रान्ताः सर्वे ) ॥ द्वितीयोऽङ्कः समाप्तः ॥
Jain Education International
For Private & Personal Use Only
www.jainelibrary.org
