________________
३४
प्राकृत कथासंग्रह
एवमाइ अणुसासिओ वि न पडिबुद्धो एसो । मोहस्स उक्कडयाए कयं च नियाणयं संभूइणा ' जइ इमस्स तवस्स अस्थि फलं, तो जम्मन्तरे चक्कवट्टी होज्जाहं 'ति । सच्चवियं इमं तेण, जहा
5
अइविसमो मोहतरू अणाइ भव- भावना - वियय-मूलो । दुक्खं उम्मूलिज्जइ अच्चन्तं अप्पमत्तेहिं ॥
तओ मरिडं सोहम्मे कप्पे दो वि देवा जाया । तत्तो चित्त-जीवो चुओ पुरिमताले इभ पुत्तो जाओ । संभूय-जीवो तओ चुओ सन्तो ( कम्पिल्लपुरे बम्भो नाम राया, तस्स चुलणी नाम देवी ) तीए 10 उदरे चोदस-महा-सुमिण सूइओ उप्पन्नो जाओ य कमेणं । कयं च से नामं बम्भदत्तो त्ति । वडिओ देहोवचएणं कला-कलावेण य । तस्स य बम्भराइणो उत्तम वंस - संभूया महारायाणो चत्तारि मित्ता आसि । तं जहा -
15
कासि विसयाहिवई कडओ गयउर-वई कणेरदत्तो । कोसल - विसयाहिवई दीहो चम्पा हिवई पुप्फचूलो त्ति ॥ ते अच्चन्त - नेहेण परोप्परं विरहमणिच्छन्ता समुइया चेव वच्छर मेक्वेक्कं परिवाडीए विविह-कीला-विसेसेहिं-सरज्जेसु चिट्ठन्ति । अन्नया
समुइया चेव बम्भ - समीवमागया । चिट्टन्ताण य ताणं मरण-पज्जवसाणयाए जीव- लोयस्स बम्भस्स मन्त-तन्तोसहाईणमसज्झो उप्पन्नो 20 सिर - रोगो । तओ तेण वाहराविया कडगाइणो मित्ता; ताण उच्छने मुको बम्भदत्तो; वृत्ता य ते, जहा 'तुब्भेहिं एस रज्जं कारेयव्वो' एवं रज्जचिन्तं काऊण कालगओ । कयं से वयंसेहिं पेय - किच्चाइयं । तओ कडगाईहिं भणियं जाव एस कुमारो रज्ज-धुरा- वहण - जोगो होइ, ताव अम्हेहिं एयं रज्जं 25 पालेयव्वं' ति मन्तेऊण सव्व-सम्मएण दहिं ठविऊण गया स-रज्जेसु सेसा । गएसु य तेसु सो दीहो परिवार्इ सयल - सामग्गियं रज्जे, पलोएइ भण्डारं, पविसद् अन्तेउर, मन्तई समं चुलणीए; तओ
Jain Education International
For Private & Personal Use Only
www.jainelibrary.org
