________________
कर्णामृतप्रपा
भाग्यानि तानि भुवनस्य धनी यदि स्यावापद्गतोऽप्युपकरोति सतां महात्मा । सीतापतिर्वनगतिर्व्यसनस्थितोऽपि
राज्ये चकार कपिराज - पलादराजौ ॥ ६९ ॥ न महे निजेsपि महतामन्तःकरणं विकारमभ्येति । नृत्यति पुनरितरेषामपरोत्सवसीधुना मत्तम् ॥ ७० ॥
८. अथ विधिः ।
वैदेहीदयितेऽपि दुष्टहृदयः पार्थेऽप्यनर्थप्रदो जीमूतेऽपि यमोचितव्यवहृतिः कर्णेऽपि कर्णेजपः । भीमो भीमसुतापतावपि हरिश्चन्द्रेऽपि रौद्राशयः शक्रेऽपि श्रितवक्रिमा हतविधिर्यस्तस्य के मी वयम् ॥ ७१ ॥
यद्यपि परः सहस्राः कर्त्तव्यपथास्तथाऽपि विधिरेषः । गमयति नस्तेन पथा येनानर्थः पराभूतिः ॥ ७२ ॥ तापयत्य सुखवहिना मुहुलहटङ्कमिव मानवं विधिः । लोहकार इव मोहमुद्गरैर्घातयत्यपि ततः समन्ततः ॥ ७३ ॥
मम दुःखाग्निना नूनमाहिताग्निरयं विधिः । तदेनमुपशाम्यन्तमतियत्नेन रक्षति ॥ ७४ ॥
अवदतामपि दुर्वचनं मुहुर्निदधतामपि साधुपथे पदम् । जनयति व्यसनं तदहो विधिर्भवति यन्महतामपि दुस्तरम् ॥७५ ||
सुरजनमसुरजनं वा गच्छत शरणं नरा वराकाः ।
कः कर्मावर्त्ते पतितः वचन पुमान् निर्वृतिं नैति ॥ ७६ ॥
तुल्ये पितर्यपि च जन्मनि हन्त ! तुल्ये कल्याणता भवति दैवकृतैव लोके । यद्दक्षिणः पथिषु पुण्यपरेषु पाणिर्वामः पुनर्मलिनमार्गमभिप्रवृत्तः ॥ ७७ ॥ कुरुतां विधिर्विरुद्धं तत्कृतमनुमोदतां च पिशुनजनः । म मनागपि धीरमनाः कुप्यति तस्मै च तस्मै च ॥ ७८ ॥
Jain Education International
For Private & Personal Use Only
www.jainelibrary.org
