________________
श्रीमालवंशीय ठक्कुर - फेरूविरचिता प्राकृत भाषाबद्धा
रत्नपरीक्षा
सयलगुणाण निवासं नमिउं सव्वन्नं तिहुयणपयासं । संखेवि परप्पहियं रयणपरिक्खा भणामि अहं ॥ १ ॥ सिरिमाल कुलुत्तंसो ठक्कर चंदो जिदिपयभत्तो । तस्संगहो फेरू जंपइ रयणाण माहप्पं ॥ २ ॥ पुव्विं रयणपरिक्खा सुरमिंति - अगत्थ - बुद्धभट्टेहिं । विहिया तं दणं तह बुद्धी मंडलीयं च ॥ ३ ॥ अल्लावदीणकलिकाल - चक्कवट्टिस्स कोसमज्झत्थं । रयणायरु व्व रयणुच्चयं च नियदिट्ठिए हुं ॥ ४ ॥ पञ्चक्खं अणुभूयं मंडलिय- परिक्खियं च सत्थायं (ई) । नाउं रयणसरूवं पत्तेय भणामि सव्वेसिं ॥ ५॥ लोए भांति एवं आसी बलदाणवो महाबलवं । सो पत्तो अन्नदिणे सग्गे इंदस्स जिणणत्थं ॥ ६ ॥ तहिं पत्थिओ सुरेहिं जन्ने अम्हाण तुं पसू होह | तेण पसन्ने भणियं भविओहं कुणसु नियकज्जं ॥ ७ ॥ सो पसु वहिउ सुरेहिं तस्स सरीरस्स अवयवाओ य । संजाया वर रयणा सिरिनिलया सुरपिया रम्मा ॥ ८ ॥ अस्थिस्स जाय हीरय मुत्तिय दंताउ रुहिर माणिक्कं । मरगयमणि पित्ताओ नयणाओ इन्दनीलो य ॥ ९॥ इडुज्जो य रसाओ वसाउ कक्केयगं समुपपन्नं । ल्हसणीओ य नहाओ फलियं मेयाउ संजायं ॥ १० ॥
Jain Education International
For Private & Personal Use Only
www.jainelibrary.org
