________________
१३
उपधानविधि । जो उ अकाऊणमिमं गोयम ! गिहिन भत्तिमंतो वि । सो मणुओ दद्ववो अगिण्हमाणेण सारिच्छो ॥१६॥ आसायइ तित्थयरं तवयणं संघ-गुरुजणं चेव । आसायणबहुलो सो गोयम ! संसारमणुगामी ॥ १७॥ पढम चिय कन्नाहेडएण जं पंचमंगलमहीयं । तस्स वि उवहाणपरस्स सुलहिया बोहि निविट्ठा ॥ १८॥ इय उवहाणपहाणं निउणं सर्व पि वंदणविहाणं । जिणपूयापुवं चिय पढिज सुयभणियनीईए ॥ १९ ॥ तं सर-वंजण-मत्ता-बिंदु-परिच्छेयठाणपरिसुद्धं । पढिऊणं चियवंदणसुत्तं अत्थं वियाणिज्जा ॥२०॥ तत्थ वि य जत्थे य सिया संदेहो सुत्त-अत्थविसयंमि । तं बहुसो वीमंसिय सयलं निस्संकियं कुणसु ॥२१॥ अह सोहणतिहि-करणे मुटुत्त-नक्वत्त-जोग-लग्गमि । अणुकूलंमि ससिबले *सस्से सस्सेयसमयंमि ॥२२॥ निययविहवाणुरूवं संपाडियभुवणनाहपूएणं । फुडभत्तीए विहिणा पडिलाहियसाहुवग्गेण ॥ २३ ॥ भत्तिभरनिन्भरेणं हरिसवसोल्लसियबहलपुलएणं । सद्धा-संवेग-विवेग-परमवेरग्गजुत्तेणं ॥ २४॥ निट्ठियघणराग-दोस-मोह-मिच्छत्त-मलकलंकेणं । अहउल्लसंतनिम्मलअज्झवसाएण अणुसमयं ॥ २५॥ तिहुयणगुरुजिणपडिमाविणिवेसियनयणमाणसेण तहा। जिणचंदवंदणाए धन्नोऽह्मी मन्नमाणेण ॥ २६ ॥ निययसिररहयकरकमलमउलिणा जंतुविरहिओगासे । निस्संकं सुत्तत्थं पयं पयं भावयतेण ॥ २७ ॥ जिणनाहदिवगंभीरसमयकुसलेण सुहचरित्तेणं । अपमायाईबहुविहगुणेण गुरुणा तहा सद्धिं ॥ २८ ॥ चउविहसंघजुएणं विसेसओ निययबंधुसहिएणं । इय विहिणा निउणेणं जिणबिंबं वंदणिज च॥२९॥ तयणंतरं गुणड्ढे साहू वंदिज परमभत्तीए। साहम्मियाण कुज्जा जहारिहं तह पणामाई ॥ ३०॥ जाव य महग्घ-माउक-चोक्ख-वत्थप्पयाणपुवेणं । पडिवत्ति विहाणेणं कायद्यो गुरुयसम्माणो ॥ ३१ ॥ एयावसरे गुरुणा सुविइयगंभीरसमयसारेण ।
अक्खेवणि-विक्खेवणि-संवेयणिपमुह विहिणा उ॥ ३२॥ * 'प्रशस्ये' इति A टिप्पणी। 1B तु। १ 'मृदुत्व' इति A टिप्पणी। 2A पडि वित्ति।
Jain Education International
For Private & Personal Use Only
www.jainelibrary.org
