Page Text
________________
बात नागजी-नागवन्तीरी
[ १४६ धोळबाळो माहोमांहि पाघड़ीबदल भाई छै । सु नागवंती म्हारै कांसु लागे । तारै परमलदेजी काई वात मांनै नहीं नै दूजै दिन नागवंतीनै साथै लेने नागजी कनै पाई नै चौपड़रो खेल मांडीयौ। सु नागजी नै नागवंती एकै भीर हवा अर परमलदेजी नै बडारण एकै भीर हुवा । सु रमतां नागवंतीरो पलो उघड़ गयो, सु पसवाड़ो, पेट, छाती उघाड़ा हो गया । तरै नागजी देखत समां मुरछागत होय पड़ीया । सु कितीक वारनै वले सावचेत हुवा । तरै भोजाईन कह्यौ-माहनूं नागवंती परणावो । तरै भोजाई बोली-कुंवरजी ! यु तो विवाह हुवै कोई नहीं, नै छान वींवाह हुसी। सो रजपूतांरा बेटांनै सीख देवो । तरै नागजी दरबार मांड नैं सारा रजपूतांयनै सिरपाव बगसीस करनै सीख दीवी ने कह्यौ-होळी ऊपर वेगा आवजो। सु सारा सिरदार विदा हुवा। पछै भूजाई. कह्यौ-तयारी करो। तरै परमलदेजी नागवंतीनु पूछीयो--कांई खबर छ ? बोल पाऊं। तरै नागवंती कह्यौ--दुरस छ । खेतमें जवार मोटी थी सु डोका ल्यायनै पांणीरी मटकीयां थी, स् मंगायनै वेह रची वीवाहरी तैयारी कीवी । तरै नागवन्ती कह्यौ-परमलदेजी ! छांनै वीवाह करज्यो। प्रागै म्हारी सगाई हाकड़ा पढीयारसु कीवी छ । तरै नागवन्तीनु परमलदेजी कह्यौ-भली वात। हमै ब्राह्मण'' वीना तो वीवाह हुवै नहीं। तिणस् एक ब्राह्मण बाहरलां गांवांरो सहरमैं कण-विरत करणनै आयो थो, बसती माहे जातो थो। तिणनुपरमलदेजी बोलायनै कह्यौ १२- तूं वीवाह कराय जांण छ ? तरै बिरामण कह्यौ-हूं सब जांणूं छू । ताहरै परमलदेजी दूहो कहै छै--
दूहा- हूं जाणतू जाण, निर' तोजो जारी नहीं ।
नागजी तणो पुरांण, तोनु लिखु देवजी' ॥ ६ ६. बात-इसो ब्राह्मणनैं कह्यौ'५ । नागजी नागवंतीनू परणीया। पर्छ दूजै दिन प्रांवतां नागवंती नैं परमलदेजी दोनु१६ तंबोळीरै पान लैवण गया, तंबोलीनै हेलो दीयो। तरै तंबोली बाहर आयौ । इणांरै मुख सामो देख मसत हुवो'८, देखतो हीज रह्यो । तद दूहो कहै छै--
१. ख. होय गया। २. ख. उघाड़ा देखने । ३. ख. गया। ४. ख. खिणेकने । ५. ख. करने । ६. ख. प्रतिमें नहीं है । ७. ख. प्रतिमें नहीं है। ८. ख. मांहरै विवाहरी त्यारी करो। ६. ख. प्रतिमें नहीं है । १०. ख. विरामण। ११. ख. जातो। १२. ख. कहीयो । १३. ख. नर । १४. ख. तोनै लेखु देवता। १५. ख. प्रतिमें नहीं है । १६. ख. दोन्युं । १७. ख. प्रायन । १८. ख. इणारे मुंहडा सांहमो जोवण लागो। १६. ख. प्रतिमें नहीं है।
Jain Education International
For Private & Personal Use Only
www.jainelibrary.org
| SR No. | 003392 |
| Book Title | Rajasthani Sahitya Sangraha 03 |
| Original Sutra Author | N/A |
| Author | Lakshminarayan Dixit |
| Publisher | Rajasthan Prachyavidya Pratishthan Jodhpur |
| Publication Year | 1966 |
| Total Pages | 330 |
| Language | Hindi |
| Classification | Book_Devnagari |
| File Size | 13 MB |