Page Text
________________
अध्ययनं ४ - [ नि. १२८४]
१८५
किं होहि, दहिकुंडस्स हेडा उवरिं च छिन्नस्स धसत्ति पडियस्स किं होहिइत्ति ?, एवं भणित्ता तं पयाहिणं करेंतो पडिनियत्तो, इयरोवि विलक्खो नियत्तो पुच्छिओ लज्जइ अक्खिउं, पलवइ वडुगोत्ति अक्खायं, नट्ठा, नंदोवि कप्पण भणिओ-सन्नह, पच्छ आसहत्थी य गहिया, पुणोवि ठविओ तंमि ठाणे, सो य निओगामच्चो विणासिओ, तस्स कप्पगस्स बंसो नंदवंसेण समं अनुवत्तइ, नवमए नंदे कप्पगवंसपसूओ सगडालो, थूलभद्दो से पुत्तो सिरिओ य, सत्त धीयरी य जक्खा जक्खदिन्ना भूया भूयदिन्ना सेणा वेणा रेणा, इओ य वररुइ धिज्जाइओ नंदं अट्ठसएणं सिलोगाणमोलग्गड़, सो राया तुट्टो सगडालमुहं पलोएइ, सो मिच्छत्तंतिकाउंन पसंसेइ, तेन भज्जा स ओलग्गिया, पुच्छिओ भणइभत्ता तेन पसंसइ, तीए भणियं अहं पसंसावेमि, तओ सो तीए भणिओ, पच्छा भाइ-किह मिच्छत्तं पसंसामित्ति ?,
एवं दिवसे २ महिलाए करणिकारिओ अन्नया भणइ-सुभासियंति, ताहे दीनाराणं अट्ठसय दिन्नं पच्छा दिने २ पदिण्णो, सगडालो चिंतेइ - निडिओ रायकोसोत्ति, नंद भणइ - भट्टारगा ! किं तुडभे एयस्स देह ?, तुब्भे पसंसिओत्ति, भणइ- अहं पसंसामि लोइयकव्याणि अनट्टाणि पढइ, राया भाइकह लोइयकव्वाणि?, सगडालो भणइ-मम धूयाओवि पढंति, किमंग पुण अन्नो लोगो ?, जक्खा एपि सुयं गिoes, बितिया दोहि तझ्या तिहि वाराहि, ताओ अन्नया पविसंति अंतेउरं, जवणियंतरियाओ ठवियाओ, वररुई आगओ थुणइ, पच्छा जक्खाए पढियं बितियाए दोन्नितइयाए तिन्निवारा सुयं पढियं एवं सत्तहिवि, रायाए पत्तियं, वररुईस्स दानं वारियं, पच्छा सो ते दीनारे रत्तिं गंगाजले जंते वेइ, ताहे दिवस ओ थुणइ गंगं, पच्छा पाएण आहणइ, गंगा देइत्ति एवं लोगो भाइ, कालंतरेण रायाए सुयं, सगडालस्स कहेइ-तस्स किर गंगा देइ, सगडालो भणइ - जइ मए गए देइ तो देइ, कल्लं वच्चामि तेन पच्चइगो पुरिसो पेसिओ विगाले पच्छन्नं अच्छसु जं वररुई ठवेइतं आनेजासि, गएण आनिया पोहलिया सगडालस्स दिन्ना, गोसे नंदोवि गओ, पेच्छइ थुणंतं, थुए निब्बुडो, हत्थेहि पाएहि य जंतं माइ, नत्थि, विलक्खो जाओ, ताहे सगडालो पोट्टलियं स्नो दरिसेइ, ओहामिओ गओ, पुणोवि छिद्दाणि मग्गइ सगडालस्स एएण सव्वं खोडियंति, अन्नया सिरीयस्स विवाहो, रनो अनुओगो सज्जिज्जइ, वररुणा तस्स दासी ओलग्गिया, तीए कहियं रन्नो भत्तं सज्जिज्जइ आजोगी य, ताहे तेन चिंतियं एवं छिड्डु, डिंभरुवाणि मोयगे दाऊण इमं पाढेइ
“रायनंदु नवि जाणइ जं सगडालो काहिइ ।
रायनंद मारेत्ता तो सिरियं रज्जे ठवेहित्ति ।।
ताइ पढंति, रायाए सुयं, गवेसामि, तं दिट्ठ, कुविओ राया, जओ जओ सगडालो पाएसु पडइ तओ तओ पराहुत्तो ठाइ, सगडालो घरं गओ, सिरिओ नंदस्स पडिहारो, तं भाइ- किमहं मरामि सव्वाणिवि मरंतु ?, तुमं ममं स्नो पायवडियं मारेहि, सो कन्ने ठएइ, सगडालो भाइ-अहं तालउड विसं खामि, पायवडिओ य पमओ, तुमं ममं पायवडियं मारेहिसि, तेन पडिस्सुयं, ताहे मारिओ, राया उडिओ, हाहा अकजं !, सिरियत्ति, भणइ जो तुज्झ पावो सो अम्हवि पावो, सकारिओ सिरियओ, भणिओ, कुमारामचत्तणं पडिवज्जसु, सो भणइ-ममं जेट्टो भाया थूलभद्दो बारसमं वरिसं गणिया घरं पविट्ठस्स, सो सद्दाविओ भणइ - चिंतेमि, सो भाइ- असोगवणियाए चिंतेहि, सो तत्थ अइयओ चिंतेइ केरिसया भोगा रञ्जवक्खित्ताणं ?, पुणरवि नरयं जाइव्वं होहितित्ति, एते नामेरिसया
Jain Education International
For Private & Personal Use Only
www.jainelibrary.org
| SR No. | 003377 |
| Book Title | Agam Sutra Satik 40 Aavashyak MoolSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 808 |
| Language | Prakrit, Sanskrit |
| Classification | Book_Devnagari, Agam, Canon, Agam 40, & agam_aavashyak |
| File Size | 16 MB |